مشارك فحل الدواسر(الفيصل) المالك طواري بن مطرف الخييلات الدوسري
 

فحل الدواسر ( الفيصل ) المالك / طواري بن مطرف الخييلات

من هجوس في المواجيب تاتي بالجزيل
مانعودها على الهون والمعنى الزهيد
الكفو له واجبات لها شان ثقيل
والنشاما حقها المدح فبيوت القصيد
للتحدي ساعه ماحد عنها يميل
دايم من يعشق العز عنها مايحيد
اقدم اقدم ياطواري ياكساب الجميل
دامك من اهل المراجل هل الباس الشديد
الخييلات الدواسر هل الماضي النبيل
عزوه وقفاتها ذكرها دايم مجيد
وانت بن مطرف وراسك يعشق المستحيل
ابلج طيبك طبيعه وفي الشده يزيد
قدم الفيصل على موعده علم دليل
في ميادين التنافس عسا فالك سعيد
الفحل راهي وشكله مع الندر قليل
عرض خشم وكبر راس مع زينه فريد
وغارب وافي وعظمه مع طوله جليل
يعجبك في لفتتن تخلف العقل الرشيد
اشقح بالزين سبحان خلاق الجميل
يجذب اعيون الجماهير لاقبل من بعيد
من عطا شهم يجمل ولا الكف ببخيل
الامير اللي فعوله بها كلن يشيد
خالد الفيصل ولد تركي منجي الدخيل
ابلج بالطيب راسه على الطنخه عنيد
من سلاله منبع الطيب والاصل السليل
ساس عز يكسب المدح من ماضي تليد


كلمات ؛ عبدالهادي بن القنيفذ المري
اداء : عامر بن ذعار الحقباني ( راعي الشكاله )



http://t.co/GDglAeaUBX

رد: مشارك فحل الدواسر(الفيصل) المالك طواري بن مطرف الخييلات الدوسري
 

اذكرو ربگم