عسى الله يجبر العزاء يآل شايع = في اللي رحل عنا صباح الربوعي
راشد رحل عنا بليا رجايع = وفقده على الأقصى وكل الربوعي
أنا أشهد أن الطيب عنده نوايع = فيه الندارة والمهابة طبوعي
شهم(ن) كريم(ن)بالجميلات ذايع = وصيته مثل نجم الثريا لموعي
عزانا في شيخ(ن) له الطيب طايع = عمي محمد للصعيبة جروعي
ياربنا ياللي فرضت الشرايع = عساه في جنتك مايشوف روعي
وختامها الأرواح مثل الودايع = كل الخلق لله وإليه الرجوعي
لاشك ذي سنة ولابه جزايع = ماتنفع الونة وكثر الدموعي

المشاركة الأصلية كتبت بواسطة مبارك بن شافي النتيفات (المشاركة 682095) اولا اسأل الله ان يتغمد الفقيد بواااائع رحمته وان يبدله بدار خير من داره ثانيا صح لسانك ياعبدالله تقبل مروري نفداك

المشاركة الأصلية كتبت بواسطة خالد المشاويه (المشاركة 682214) الله يرحمه ويغفر له ولاهنت ياعبدالله جزيل الشكر والتقدير

المشاركة الأصلية كتبت بواسطة النايفه (المشاركة 682217) الله يرحمه ويغفر له ويوسع مدخله صح لسانك ولاهنت

المشاركة الأصلية كتبت بواسطة غلا نجد (المشاركة 682390) وختامها الأرواح مثـل الودايـع كل الخلق لله وإليـه الرجوعـي صح اللسانك وبيض الله وجهك وجاد بيانك رحم الله اموات المسلمين وغفر لهم واسكنهم فسيح جنانه وفقك الرحمن لما فيه الخير والصلاح سلمت ودمت

المشاركة الأصلية كتبت بواسطة محمد مطلق آل بريك (المشاركة 682886) رحم الله ميتكم واسكنه فسيح جناته وصح لسانك عبدالله