لو يطــــول الوقت ويدور الزمان
مايجيك من الغثيـث الا الغثى

مثل نبتة شري لاجات المكان
استحلت معظـمه لوه حصــى

ياصبي تكــــفى نخيـتك يايمان
ياعضيدي في الشدايد والرخى

الـــــــــردي لا تامنه لوله ثمـــان
من السنين ولا بدى منه خطى

عِـــــذر يوم يبين معـدنه الجبان
ويتخــــلى عنك لاشتد الــوغى

وابن عمـك في مقامـــك لايهان
لوتمادى بالصــــدود وبالجفــــى

محــــزمك لامن عدا قاصي ودان
واستبان الغـــــــدر بانياب العدى

عِـــــــــزتي للى خــــليٍ مايعان
لابتــــه لاشٍ تثاقـل فـ الخــــطى


مسفر بن عبدالله الدوسري
(دايم الاشواق)