لك حق تزعل ثم لك حق نرضيك = ما أقوى زعل مضنون قلبي وعيني

بيض الله وجه الايام والمال القليل= عرفتنا صادق الناس من كذابها

لولا الظروف وعازت الناس للناس=محدن عرف طيب البشر من رداها

اخا الجود من يرقى من المجد ما علا=وخا الذل يصبح للذليل قتيل
وخا الجود فيه الجود يلقى ويرتجا=وخا الذل مايلقى وراه حصيل
من عاش بالذل الطويل لقيته=ردئ العزايم للجبان زميل
قيل الفتى بالعجز ما يدرك العلا=ومرقا المعالي يالعظيم يهيل

لاذكرت إن حبيبي على قيد الحياه = هانت هموم قلبي وأستراح الضمير

يابجـاد شـب النـار وادن الدلالـي=واحمس لنا يابجاد ما يقعـد الـراس
ودقـه بنجـرٍ يـاظريـف العيالـي=يجذب لنا ربعٍ على اكـوار جـلاس

أشهد أني قبل أعرفك كنت غادي = ويوم كتبت لي السعادة جابك الله
قبل اعرفك كان طعم العمر عادي = ومن لقيتك لذّ لي مافيه كله
صرت أحب الفجر وأهنا بالرقادي = وأنت جنبي طاب لي شمسه وظله
وما ظهر لك ياحبيبي من ودادي = غيره أكثر كاتمه خايف تذلّه

قـالوا تـحبه قـلت ماهوب بالحيل=بـس انه أغلى شوي من نور عيني
يـسوى جميع الجيل الأول وهالجيل=أحـبـائي الـمـاضيين والـمقبليني
شوقي له أعظم من ظما الأرض للسي=وأشـفق عـليه أكثر من أم الجنيني
وأحـتاج لـه حاجة ثرى مصر للنيل=وعـليه أغـار ولو من ما للوالديني
أشـتاق لـه شـوق الـمحبين لليل=وأرتـاح لـه راحـة دموع الحزيني
لا صـار جـنبي لو سنه وقتي بخيل=ولا غـاب لو لحظات صارت سنيني
قـالوا يـحبك قـلت هـذا هو الويل=مـا ودي أنـشد ثـم رفـضه يجيني
وأهـدم رجـأي بدبرتي مثل ما قيل=والأفـضل أحـيا بـالأمل لو لحيني
يـا حـبكم يـا نـاس لـلقال والقيل=والأمـر لـو سـهل يـصبح مهيني
خـلوني أحـيا في الوهم يا عواذيل=وش دخـلكم والأمـر بـينه وبـيني