ديرة عميـر مدهـل الغانمينــــي = فنجال اشقر والمطاعم اشمامــي
للضيف يما قلطوا من سمينــي = فوق الصحون اللي تسافح يدامـي
والجار عده غارس حوطتينــــي = من طيحه البكري ليوم الصرامــي
كم زهبوا من جمعـة موخلينـي = ما دوروا البكري ليوم الصرامــــي

جعل الحياينشي على قصر أبالدود = هاك الربوع اللـي لذيـذ نباهـا

مكـارم الأخلاق فيهــم بهــا زود = أربع خصال من يجيهــــم لقاهـا
الجار هو والضيف والدين ماجود = كــم واحـد قبلـي قديــم حكاهــا
سلم لهم ماضي قديم على اجدود = لو عضة الضلفة جحد ما شكاها

يا راكب اللي كل ما فوقهـا زيـــن = تمرس كما تمرس خطاة القطاتـي
لاجيت مـارد فارقتـك الشياطيـــــن = راحت همومــك والمتاعب شتاتـي
سلم عليهم خص الاقصى والادنين = اعـدا مــــــا زام الزهـــــر بالنباتـي
خص الرعوجي ريف ركب مجيعين = لاجن من الغربـة تقـل مكرياتــــي
لاحــط لـلـواحــد حسـب للثلاثيــن = وان حط للخمسة لخمس احسباتي
ما حدته ضيده لحد ابـرق الـعـيــن = يكفيك الادنى كان تفهــم وصاتــي
ذولا مقابـــيــل وذولا مـقــفــيـــن = وافد ضيف من جميـــــع الجهاتـي
الـجـار مـعـهــم خاشـر بالقوانيـن = عـــوايـــد حـق عـــليـهــم ثبـاتـي
لعلـهـم دب الـليـالـي غـنـيــيــــن = وديارهم للريف قيـض ومشاتـي
دار لهلنـا والجـدود القديمـيــــن = حسبت بني عم بطـول الحياتـي
معهم سلينا عن شيـوخ مسميـن = من الساحل الغربي لشط الفراتي
صولاتهم ترهب قلـوب المعاديـن = ربـعـي بـني وائـل هـل الطايلاتـي