بكيت مابين الجبل والنفودي = وذكرت انا لي منزل.ن. قدحميناه
فكرت انا لاذي منازل جدودي= في عصرنا ماقد حي.ن. نزل ماه
واليوم شبت ووهتني عضودي = مع العجوز ومركب الجيش عفناه
بين الحنايا والكتب والعمودي = وعزي لمن قل الجهد منه عزاه
يبكن فعلي ناقضات الجعودي = لازرفل المظهور واللاش خلاه
لازرفل المظهور قدم الجرودي = كم واحد.ن. باطرافها قد طرحناه
وان هج زمل مورسات الخدودي = كم واحد.ن. من شوف ربعه قطعناه
ننطح شباها والقبايل شهودي = وان لاح براق.ن. من الوسم زرناه
واليا ركبنا كل قبا عنودي = يامن بنا المصلاح لو طال مفلاه
كله لعينا كل وضحا تنودي = والا خلوج.ن. بوها قد رميناه
نرعا بها في نازحات الحدودي = لازبر الوسمي واسقى النبت ماه
بالاد مسعر في الحرايب زنودي = ياسعد منهم محزمه في الملاقاه

المشاركة الأصلية كتبت بواسطة هايف العماني كفو والله بالأمراء الغالين واللي نفتخر فيهم دائما وابدا (( آل قويد)) ويفتخر بهم كل دوسري يحب ربعه وبني عمه . والله يرحم الامير الشاعر شارع بن قويد والأمير محماس بن معدي ويسكنهم فسيح جناته واموات المسلمين ولاهنت اخوي عبدالله على ايراد هذه القصيدة الرائعه تقبل تحياتي،،

المشاركة الأصلية كتبت بواسطة ســـــعـــــود الغالي / عبدالله بن عريمه ,,, جعل عمرك طويل علي الطاعه اي والله كفو وكفو بال قويد وصدقت ياهايف العماني علي قولتك ,, ويفتخربهم كل دوسري يحب ربعه . ولاهنت يا عبدالله ووجهك ابيض يالقرم ,

المشاركة الأصلية كتبت بواسطة ابو زيد الغييثي الكاتب المتميز :عبدالله بن عريمه بيض الله وجهك نعم هذا راعي الصيت اما غيره فلا بدون قصور بالباقين تقبل فائق ودي وحترامي ابو زيد

المشاركة الأصلية كتبت بواسطة فهد الغريري الاخ العزيز والشاعر الكبير : عبدالله بن عريمه اررررحب تراحيب المطر علومك وافيه ياعشير المناعير وعز الله انك عرفة من تختار الامير شارع بن قويد ((يرحمه الله)) علومه ايتنومس فيها الواحد منا. اسأل الله ان يغفر له ويبارك في ذريته ويطرح فيهم البركه تقبل تقديري واحترامي في مقامك العالي اخوك / فـــــهــــد الـــغـــريــــري,,

المشاركة الأصلية كتبت بواسطة ابو زابن عبدالله بن عريمة قصيده مشهوره من امير وفارس مغوار لاهنت بيض الله وجهك