الله يحييكم على لسان مران =الشايب اللي كل كبدٍ تحبه
ابن قويد اللي ينومس اليا بان =علاج منهو ضاع في الوقت طبه
ياهل السنام اللي على مر الازمان =ياحفاد من راقب بالافعال ربه
عبدالعزيز اللي تحلى بالايمان=لين اصبحت كل البلد مستتبه

مرحبا بطيور شلوى فوانيس الظلام =مرحبا بطيور شلوى على الما والكرى
والدلال الصفر والعود وثروب السنام = الفقار ومالكم فيه يامير خشرى
يالسليل اللي تسلسلت من روس الكرام=يالعديم اللي تقدم ولا ترجع ورى
قايد البريّه اللي تفك الاحتدام = للوطن جيشً يدافع ومزبان وذرى
ثم تشرفت بالاماره ونلت الاحترام = والمحبه من جميع المناطق والقرى
الرياض اللي تنافس عواصم حام سام = عاصمة مكه وطيبه وعرعر ويعرى
ياولد من واضب سنين في البيت الحرام= ياولد من يبدي الدين والطيب جهرا
ياولد بندر تجهز وواصل للامام = سيرة أمجادً تليده بتحكى للورى
سطر التاريخ جدك ونال الاهتمام = وغاض حكامً بعيده وحكام قصرى
مرحبابك ياحمر العين ياعال المقام = ومرحبا بالنايب اللي ينومس لا طرى
تركي اللي له مع المجد والطيب انسجام =قايد أسرابً مع الجو ضري ثم ضرى
هيلعً في عتق الارقاب مالحقه ملام =كم سجينً فرحت أمه وتوّه مادرى
وأنت ياتركي سندنا ليا مس الحزام = أنت اخونا ولد ابونا نسابه وقطرى
نفتخر لا قالو انا خوالك يالامام = والدواسر حزة الظيق فزعه وظفرى
لاد زايد فزعة الظيق مروين الحسام = ولاد تغلب درع جنبي وفي المجد شطرى
العيال تواصل أحلام الآبا والعمام =والخوال تزيد الاجواد حظوه وفخرا
وانت ياتركي ليا طرت من فوق الغمام=صعب تاصل مركز ابوك هذا ما أرى
أذهل الروّاد في الجو كفخه يوم حام = واذهل ابن أخوه سلمان واركد ياثرى
ياولي العهد تسلم وذخرً للأمام = وياولي العهد تبقى وبراقك سرى
أنت أخوك معزبي والوفا كسب الغلام= أحمد اللي لا نصيته وبي جرحً برى
وعاش مقرن طيب الصيت ممدوح المرام = نايبً ثاني عسى فيه خيرً وخيرى
يالله أجمع كلمة أسرة ملكنا والسلام =ياعساه يسود في الارض ويعم الثرى
والله القادر وحنا نقول ولا نظام = عندنا ازمه في الوظايف وبه ناس فقرى
لكن الدوله دؤبه وتمشي في نظام = وابشرو بالخير والله يفعل مايرى
والولا فينا غريزه ويكبر كل عام =وأبشرو بالعز لو كان يجري ماجرى
أرسخي يادولة العز لا كثر الكلام = عندنا مخزون نفطي ومخزون امورى