قصيدة للشاعر شافي بن ناصر ال بريك الدوسري

طبيت صالة الانتضار وتعديت
وراع الكونتر يامحمد تكلم
ودعت بك رب المخاليق والبيت
عالم دبيب النمل في الليل الأضلم
واطلبه لطفه كل ماصبحت وامسيت
هو اللي بكل المواضيع يعلم
واول وصية طاعته يوم وصيت
وصابها المبعوث في حرب(ن) وسلم
واعلم تراك بذمته يوم صليت
ومن يلتزم في عروته ماتندم
والثانية خذها وحذرا التلافيت
في ديرت(ن) من كل مخلوق(ن) تلم
فيها الفساد موقت(ن) له مواقيت
وراع الخنا فيها بصوته ترنم
وفيها العلوم النافعة لو توحيت
تبغى الذي يصغي بسمعه ويفهم
ولاتخاوي الى نادرا ذايع الصيت
الي نهل من كل علم وتعلم
على الهدف يرمي ونومة شفاليت
حرآ له بروس الطويلات معلم
وترا الردي يرديك لوك تعليت
مبرد(ن) قلبه ولاهو بيهتم
ومن رافقه يصبر بهرج الشواميت
اللي على نقل النميمة تليم