يا مجلساً هداج بنن و جاوي = ومحماس يتعب لك على جزل الأصناف
قالوا مريض وقلت جعله شفاوي = الله يجيره من عواريض الأصداف
الله يجيره من جميع الشكاوي = وبصحة الأبدان له ثوب و لحاف
بجاه من يرفع عظيم البلاوي = وبجاه من يسعى على البيت واطاف
يا سامع الدعوات منك الرجاوي = نطلب له صحة البدن وأنت رواف
شيخ الحدود اللي سوات النداوي = من الوطا دايم على راس مشراف
لا منه اقطم ماه عير الحساوي = يلقا على المرصاد مرقب وهداف
محماس عاداتك تدوس الحراوي = وعادات وقفاتك على الصعب تنشاف
ياللي لغضبين النواظر تداوي = لا جاء نهاراً فيه جاهل وعراف
لا جاء نهار مضيعين الهقاوي = أنته من اللي يرفع الراس ما خاف
لا جاء نهاراً فيه مقدي وغاوي = عرفت عماد الخطا درب الانكاف
بالآد مسعر مقعدين الصغاوي = تعرف مواقفنا جديدات واسلاف
لخطا الحفيف نجيه سيلن نحاوي = تعوم زفراته كما سيل زقاف
ولا هي تخوفنا كثير العزاوي = ولا هي تقنعنا تويغاض الاكتاف
ولا انا بناخذ في الحقوق الرشاوي = تبقى عوايدنا على الحق وقاف
يشهد لنا التاريخ ماهي مناوي = وعلى التجارب بنتقي صافي القاف
وصلوا على المختار بأمراً سماوي = ما لاح براقاً وماهل هتاف

بذكر فعول الاسود وبعض الاجناسي = يوم اتضح لي بوانيها وخافيها
اول ما بذكر فعل بن قويد محماسي = حيثه يحل صعيباتاً مشى فيها
كم صعبتاً حلها من بعد الآياسي = وخلاه يرجي بعد الاياس راعيها
عداً رسين وغزره ماله قياسي = كنه الرواسي كنيناتاً محاجيها
أميرنا مركز الشيخة على ساسي = يفداه من هو يدورها ويخطيها
خطوا كديش(ن) تعوش بالتلحاسي = وأمارته عقب دفع المال يرجيها
أبوك يالهيس جنب عن الاتعاسي = وخل النوايب لها رجالاً تصاليها

زبنت شيخاً ضاري للتحاويل = منصاي محماس يا عز من جاك
تكفى يابو مصيبيح زبن المجابيل = ابيك تلطم من لطمني بيمناك
زبنتكم يا امير من زايد الميل = ياعل ربي يكتب الخير في خطاك
انتم هل الفزعات عند المشاكيل = كم واحدٍ فكيت حبله ليا جاك
من غير منصاكم فلالي مداخيل = يا فرحة اللي من بعيداً تنصاك
الوقت سوا له هجوم وبهاذيل = ولا يطرده يكود مثلك وشرواك
وذكرك يشد الراس يامير بالحيل = لو كان ما شفناك نسمع بطرياك
وتمت وصلوا عد وبل المخاييل = واطلب ولي الكون بالخير يجزاك

يالله ياللي من ترجاك ما خاب = ياربنا ما غيرك أحداً نسيله
خمس سنوات وجازعاً من ورا الباب = ما نفك سجنه من سنين طويله
فيا ما ذكرنا من مشاييخ واصحاب = ما قصروا لكن ما فاد حيله
فتقدم بن قويد فكاك الانشاب = شوق الطموح اللي تهل الجديله
قلط وقدم على الحاكم كتاب = وفك السجين اللي حاله نحيله

يا مسـوي البـن كمـل لـه معانيه = عده وثنّه على ابن قويد محماسي
لاجـاه مضيـوم مـاقـدم معـذريه = خذاه ثم وصله سلمـان مـن الراسـي
يجيـه ويكلمـه هـرجـه شفـاويه = مهوب يكتب حبـر وسـط قرطاسـي
يامـر لهـم بالعطـا بالحـال وقفيـه = وارسل خبر صوب خـدام وحباسـي

يا راكب اللي ما بعد غيرو فيه = توه على مشراه شد الوكاله
ينصا بنا اللي يرفع الراس طاريه = شيخاً ولد شيخاً ومن ضيم جاله
محماس يا محماس يا سعد عانيه = وعون الرفيق اللي نصاه وعناله
لك موقفاً كل القبايل تطريه = شرق وجنوب وغرب وأيضاً شماله
يقودنا شيخاً عسى الله يعافيه = غطا على أعدائه مجاله
أبو معدي من زهم ما يخليه = تراه قايدنا وفيه العداله