::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   الشاعر صالح بن محمد العنزي يمتدح الأمير خزام بن عبدالعزيز بن حزام العجالين (http://alduwaser.org/vb/showthread.php?t=52299)

حفيد الأمراء 20-07-2010 11:14 PM

الشاعر صالح بن محمد العنزي يمتدح الأمير خزام بن عبدالعزيز بن حزام العجالين
 
بسم الله الرحمن الرحيم

هذه القصيدة

للشاعر صالح بن محمد العنزي

في مدح الأمير خزام ابن عبدالعزيز ابن حزام العجالين

لأنه قام ويقوم في حل النزاع القائم

بين قبيلة الدواسر وقبيلة عنزه

ولاننسى من قام معه من شيوخ الدواسر الكرام

وعلى رأسهم الأمير سعود ابن متعب ابن قويد المساعره

وهناك قصيدة آخرى قيلت في مدحه وهو أهل لذالك

ولكن والله لاتحضرني

وآمل ممن لديه هذه القصيدة ان يقوم بانزالها

حتى تكتمل القصيدتاً لأن مناسبتهما واحده

وهذه القصيدة في مدح الأمير خزام أبن عبدالعزيز أبن حزام

يقول فيها

يالله ياباعث ختام النبيين=ياغافر زلات من جاك تايب

يامنزل عم وطه وياسين=انت الذي بامرك تهب الهبايب

ابدي بعد ذكرك القاف بيتين=وانا لربعي في المهمات نايب

يامرحبا بقدومكم يالعجالين=نيابة عن كل حاضر وغايب

في دار ابن وايل لفيتوا عزيزين =اهلا هلا ماهل وبل السحايب

سحايب تسقى ورود البساتين=تنبت غلا وسط الصدور الرحايب

نبت الغلا يهدى على ناس غالين=يهدى على حلال عقد النشايب

يامرحبا ياخزام سقم المعادين=وريف الذي يمه يسوق الركايب

حييت يانسل الرجال المسمين=يالصيرمي عز الخوي والقرايب

مقداركم مسكانه القلب والعين=والبال في شوفة هلا الجود طايب

طبع الوفاء طبعك ومن ناس وافين=حر وعاداتك تروم الصعايب

كفك يعدل مايلات الموازين=وانت الذي رايك حكيم وصايب

لاكبرت القاله فعل كفك يبين=يافزعة الي كدرته النوايب

وختامها يامرحبا يالعجالين=نيابة عن كل حاضر وغايب

ناصر بن فهد 20-07-2010 11:34 PM

رد: الشاعر صالح بن محمد العنزي يمتدح الأمير خزام بن عبدالعزيز بن حزام العجالين
 
صح لسان شاعرها
ويستاهل خزام العجالين المدح والطيب

ويا ليت يا حفيد تجيب القصيده كامله عندما تحضرك

=)

شافي بن راشد النتيفات 21-07-2010 12:42 AM

رد: الشاعر صالح بن محمد العنزي يمتدح الأمير خزام بن عبدالعزيز بن حزام العجالين
 
كفوووو بالعجالين وبيض الله وجهك ياحفيد الامراء على النقل

وصح لسان الشاعر

ابو زيد الغييثي 21-07-2010 12:52 AM

رد: الشاعر صالح بن محمد العنزي يمتدح الأمير خزام بن عبدالعزيز بن حزام العجالين
 
مديحين من أول وتالي لاد عجلان

حفيد الآمراء لاهنت على هذا النقل

المبارك

أخوك / ابو زيد

حفيد الأمراء 28-07-2010 12:30 AM

رد: الشاعر صالح بن محمد العنزي يمتدح الأمير خزام بن عبدالعزيز بن حزام العجالين
 
ناصر الفصام


شافي النتيفات


أبوزيد الغييثي



أهلاً هلا ماهل وبل المخاليل=واهلاً هلا مالاح براق بخيال



دائماً تكتبون وتبدعون



وازدان موضوعي بهذه الإطلاله الرائعه


والأروع كتابتكم الجميله


وماعليكم زود


ياصبيان


المساعره


والنتيفات


والغياثات



ولاعدمناكم


تقبلوا مني اجمل التحايا العطره


الساعة الآن 11:04 PM

Powered by vBulletin® Copyright ©2000 - 2024, Jelsoft Enterprises Ltd.
---