سلام احلى من السكر وذوب العسل= ابديه واهديه للنادر كريم السبال
الوافي الصافي الزحزيح سمح القبل=اللي يشرف مجاله كل ماجا مجال
هذاك عبدالعزيز اللي كمل واكتمل=طيبه وكلن يسولف به جنوب وشمال

وانا ولد زايد ليا سقت الابيات= تسما وانا لملاقف الشرد طاري
من دون ربعي واقفن للمهمات=وقفت جبل تلقى وراها المذاري
خطلان الايدي محتمين الصعيبات=هم تاج راسي يوم اطاول واماري

كل ما فاضت عيوني باشت الأضلاع غنا=الموارد في الضلوع وكل ضلع فيه ونـه
والتمني ما يحقق هقوت القلـب ان تمنـا=بس قلبي ما يداني تبعـد الهقـوات منـه
وا وجودي وجد من جلي عن دياره مجنـا=تو عمره عشر واربع والليالي مـا تحنـه