حنا هل العشر المشاهيرفي اللقا=لاقصرت بعض الرجال شبورهـا
واهل الثمان اللي قطاب عدهـا=نفخر بها ونزيد فـي فخورهـا
حنا هل الست في حومة الوغـا=نفتكها مـن عـادات ثمورهـا
وحنا ودينا جارنا مـن جدارنـا=فعل لنا يشدي لضـوح بدورهـا
وقصيرنا ناسم عصاه ونهملـه=بحدودنا مايشتكي مـن جورهـا
وحنا الخوي لو زل ندمح زلتـه=نرفا جنابه من هزيـل عثورهـا
والضيف لاجانا نقـوم بواجبـه=نبري له الترحيب مع ميسورهـا
وفعالنا تزداد في كسـب الثنـا=لاركبت عسر السنيـن دهورهـا
وحنا هل غروس رواس بالفضا=تكسي مثانيها بزيـن ثمورهـا
مااحد مخليهـا بطيبـة خاطـر=يكون ذل مـن اسـود سورهـا
ترعي لنا بقفورهـا حـم الـذرا=جرد الرقاب اللي طوال ظهورها
للضيف والمحتاج فيها قسمتـه=نعفي مظاميها ونـدي نذورهـا
حنا محددة الجمل يـوم التقـوا=في ساعة تنسي الرجال شعورها
افعالنـا بايماننـا تهيـا لـنـا=نرقي بها في عاليـات وكورهـا
حنا هل الجمع الرزين الراسـي=دواسر نعطي العيون ذرورهـاا
اليا وزانا مـن ترهـي طالبـه=في ضفنا يرقي بعالـي قورهـا
يشهد لنا ابن مطرف يوم ابتلـي=جرناه وانجيناه من مصطورهـا
جانا الشريف بدولته وجرودهـا=ومعصب ماعاد يسمع شورهـا
وعين رجال مايداس لها الحمي=وشلف يروي حدهـا مرورهـا
ابصر بعد عمياه والجيش اندمر=ضاقت عليه افجوجها وبحورها
وعود بقومه والجموع مشتتـه=تشكي الوني من ضربنا بنحورها

يشهد لنا ابن مطرف يوم ابتلي = جرناه وانجيناه من مصطورهـا
جانا الشريف بدولته وجرودهـا = ومعصب ماعاد يسمع شورهـا
وعين رجال مايداس لها الحمي= وشلف يروي حدهـا مرورهـا
ابصر بعد عمياه والجيش اندمر= ضاقت عليه افجوجها وبحورهـا

لاهنت يا تركي على نقل القصيده

وصح لسان الشاعر

محمد بن بداح المصارير

وتسلم