|
معركة الغييثات مع الدوشان من مطير مفصلة
بسم الله الرخمن الرحيم هذه المعركه قد اوردها الاخ تركي فيماسبق وانا ساوردها كما رويها احد ابنا العم بعد ان سالته كيف قتل العضب وهي / ان المعركه كانت غير متوقعه من المطران بل كان الغييثات ينتظرون لاهوم بن شريم المري شيخ ال فهيده من ال مره وظن الغييثات بان لاهوم وجماعته بصبحون الغييثات فستعدو ا لاد غياث للمعركه وعندما اتى الصباح لم ياتي ال مره فنتظر الغييثات بقياده الشيخ ابداح الحطيم الى الظهيره فايقنو بان المره لن يحاربوهم فانزلو السروج من على ظهر الخيل ولاكن وهم ينزلون السروج جاء غزاه الى الغييثات فظن ان المره هم القادمون فركب الشيخ ابداح الخيل وهاجم الجموع واذ يسمع عقيد القوم يعتزي (علوى يارفاقه) فعرف انهم الدوشان من مطيروالعقيد هو صحن بن الجبعا فلتقى بداح بصحن ولكن ثحن صوب ابدح في بدايه المعركه ولتقى الغييثات بمطير وكسروهم وقتلوا العضب مطلق بن محمد بن شقير الدويش ونادر الهرشاني وابن الدفين وهؤلاء من مشاهير المطران وقد قال ابن حفيظ ابيات منها:
جاك الدويش عضيب في قومً غزاه=عند المثامن فوقه الطير حامي من ضرب ربع يمنعون المخلاه =لا جا نهار فيه مثل الكدامي وقد قال احد الغييثات لااعرف منهو
ياقوم من قوادكم يمنعكم =قوادكم من( سبيعً) السرقاني ياليت( لاهومً )حضر مركاضنا =وانه كبير مغيرت المطراني ربعي تعشوا (مطلق) في دقلهم= و(بن الدفين) و(نادر الهرشاني) يوم التقوا معهم بسبرات النظر =اخلوا مراكبها من الدوشاني كله لعينا اللي تجر حنينها =واللي تراوز مصغر الحيراني وقد قال احد المطران هذهي الابيات
مخيلة(ن) وبلهـا يركـي= الخيل عدة مـن المركـي= والخيل بيعة على الشركي= عند العرب جادل(ن) تبكي= ويقول هجاج بن عيد الغييثات من عرض قصيدة طويلة:
[رصاصنا خطر ن على قتل العرب=خطرن على الشيخان منه اتلافي مثل المرضف(والعضب )ردوبه=وبن( الجبعا )في محير الجافي ولا المهري الي فدى سربة=وبن المعدل مكرم الضيافي المرضف : فيصل المرضف العضب : الشيخ مطلق الدويش ابن الجبعا: صحن بن الجبعا المهري : خزام المهري من عتيبه بن المعدل : من شيوخ السهول وجميعهم قتلوا على يد الغييثات تقبلوا تحياتي |
لا هنت يابو زيد الغييثي على المعلومات الجيدة ورحم الله أموات المسلمين |
ولانت يالواضح انتظر تعقيب الاخ دغش
ليبين المعركه |
السلام عليكم ورحمة الله وبركاته وبعد الأخ العزيز الغالي أبو زيد الغييثي لاشلت يمناك وبيض الله وجهك يالقرم على توريد هذه الوقعه المهمه والحقيقه عندي تعقيب على بعض الأغلاط الغير مقصوده طبعاً في كتابتك وسوف أورد القصه كامله بعد إذنك حسب مارويت لي شخصياً من الشيبان اللذين ذكروها لي . القصه بالتفاصيل فيه سنة من السنين حوَلت نجوعٍ من الغياثات وعلى رأسهم أميرهم وقيان بن نصار آل وقيان بحثاً عن المراعي الخصبه ونزلو في أطراف الجيان جيان مطير ولقد دروبهم المطران. وقالو المطران خلوَنا نغير على الغياثات وننهب ذيدانهم يوم الله جابهم لنا في الجيان حنَا أكثر منهم وأشجع منهم المهم أن المطران أعدوْ العدة للمغزى وبالفعل غزوْ المطران على رأس ثلاث عقداء الأول مطلق العضب الدويش والثاني شقير بن محمد الدويش والثالث ثويران أبو صفره أمير الرخمان من مطير. ولمَا أقتربو منهم غارت الخيل على الغياثات ودارت بينهم معركة ضارية وسط إبل الغياثات وبينما هم يتجاولون تواجه الشيخ علي بن وقيان آل نصار مع العقيد والأمير العضب الدويش وقتله الامير علي بن وقيان وإستأسروْ الشيخ ثويران أبو صفره منيعٍ معهم ولقد لحق بداح الحطيم صوابٍ في ذاك اليوم. وبعد مافكَوْ دبشهم وكسبوْ وقلعو بعض القلايع من جيش وخيل مطير وأجتمعوْ فايزين كان المنيع معهم اللي هو الشيخ ثويران أبو صفره وجلس معهم لعدة أيام وفي يومٍ من الأيام جاك ثويران مسيَر على الحطيم ولمَا رأى صواب الحطيم قال ذقها يالحطيم ناشتك مخاليب علوى ورد عليه الحطيم بقوله ماهمني صوابي مادامني أشوفك وسط عيالنا يلعبون عليك كأنك خروف. المهم بعد رجوع السالمين والمنهزمين من المطران إلى أهلهم نطحوهم أهلهم كلٍ يسأل عن الغنايم وأخبارالغزوة وعن أقاربه وعن الحي والميت منهم ولمَا سمعو أخبارهم ووفاة العضب الدويش ومنع أبو صفره صاحت بنت الشيخ مطلق العضب تنعى أبوها الفارس الامير الشجاع اللذي قتلوه الغياثات ولقد أنشد واحداً من المطران الحاضرين الوقعه واللذي رأى بعينه مادار في المعركة بهذه القصيدة.
مخيلةٍ وبلها يـــبكـــــــي=ضرب الثميدي نثر ماها الخيل لعـلها الشركـــــي=لعـلَــهــا الـزرد وفـــلاها الخيل عدَت من المركي=ضرب الغـيـاثات عــدَاها ياجودلٍ عـندنا تبكــــــي=تبكي على الشيخ ماجاهــا وسلامتكم جميعاً أخوكم دغش البطي |
حنا الغييثات محنا بذلاني وهي قول وفعل وعز الله صدق من قالها ابو زيد الغييثي تسلم يمناك محب الجميع ( دغش البطي ) جعل يمناك ما يجيها العطب وتسلم يمناك على الاضافه وعز الله انك وفيت تحيات اخوكم ابو عبد الله الشكري |
ابو عبدالله بيض الله وجهك على المرور الطيب
|
الاخ دغش لاهنت علىتعقيبك
وننتظر باقي الغييثات لنسمع الروايه منهم |
ابوزيد الغييثي+ دغش البطي ماقصرتوا على ذكر المعركة وبيض الله وجيهكم
|
اصمعي الدواسر
لاهنت على مرورك الطيب |
مشكور ولاهنت يابوزيد على الموضوع الطيب.....
|
اقتباس:
ولانت اخ بدر وبيض الله وجهك يالقرم |
السلام عليكم ورحمة الله وبركات
مشكور يا ابو بطي على ما تفضلت به من سرد القصه كامله والله لا يهينك |
لا هنتوا يالربع على إيراد القصة مفصلة
و كفو بالغييثات ..... |
لاهنت يابوزيد على الموضوع الشيق
|
الله يبيض وجيهكم على
على هذه القصص الي ترفع الراس وكفو كفو والله بصبيان الغييثات ولاهنت اخوي ابو زيد |
الساعة الآن 05:38 PM
 |
Powered by vBulletin® Copyright ©2000 - 2024, Jelsoft Enterprises Ltd.
---