في جنة الفردوس شلعان ظافر=مرحوم يا شاعر قصيده تميز
جانا بداله شاعرٍ ما يتياسر=دايم على اليمنى قصيده مميز
تركي ولد هذال زبن المخاسر=شاعر وفي الماجوب حشا ماتحيز
والمنتدى شامخ وكله مفاخر=عن غيرنا في كل شي انتميز
حطه عريب الساس والكل خابر=خابر جهوده يوم حطه وانجز
انجز له انجازٍ له الكل شاكر=من لا شكره في عينه العود ينطز
هايف صليب الراس قرمٍ مثابر=قرم له البيضا ترف وتركز
وحنا الدواسر قدمنا المجد زاهر=من فعلنا راغ المعادي وتنرفز
وسلومنا معروفه من عصر عامر=وسم العصا عن كل قوم انتميز
قلته وانا ربعي اسودٍ جبابر=لاد المنيعي عزوتلي بها اعتز