الصبر مقياس احتمالي وصله
الصبر مقياس احتمالي وصلّه .................................................. شـكــواي انا للمقتـدر عـالي الـشـان = وشـكوى لغيـر اللي خـلقـنا مـذلّـه الواحـد المعـــبـود خـلاّق الاكـوان = ســبحان من يجـلا غـثـا كــل عـــلّه نلـوذ بــه عـن كـل مفـتـن وخــوّان = ســبحـان مـن يســتر خلل كـل زلّــه يارب انا طالبـك يــاوالي الاحسـان = تـفــرج لـقـلــب ً زايــد الـهـم تـلّـه ضاقتبي افجوج النواحي والاركـان = وتعـقّـــد المـوضـوع وافـخــت حـلّـه لاشك نخيت فـلان وفـلان وفـلان = وانـا الـذي غـيـر الوعــد ما حصـلّه ما شفت غير الكذب من كل الالوان = وهذا يـضيـف وذاك ويشطب سجـلّه شـهريـن فاتن والامل غـاب ما بـان = والثـالــث اللـي هــل بـيـن الاهـــلّـه ضيـقة صدر زايــد ملل كل الاحيان = والصبـرمـقـيـاس احـتـمالي وصـلّـه ويـن النشـامـا ! ويـن طلقين الايمان = اللــي لـمـن ظـامــه زمـانـه ذرالّــه حـرً شــجاع ويمتـلك قـلـب إنســـان = قــرمً لـيـا سـن الــوعـد جـاك كـلّــه اللي كــلامه كالذهـب وسـط مـيـزان = ولو طــال درب المــرجـله ما يمـلّه يفــزع لرجـلً شـاف غـلبـه بالاعيان = وجــور الليـالـي والغـبـيـنه حـبــلّــه واصبح كمــا طيـرّ بلا ريش جنحان = قصرت اسـبوقـه والفضا ما حصلـه ويالله وانــا طـلبـك بـالســرّ وأعـلان = تجــلا غثـا كـبــدّ بجـوفـي امـغـلّـه محمد بن سوعان الربيّع |
رد: الصبر مقياس احتمالي وصله
اقتباس:
تحايا طيبه باطيابكم نقل وابداع وأختيار موفق كما عهدناكم وتعليقى على القصيدة هذا واقع مرير والشكر موصول لصاحب القصيدة الشاعر/ محمد بن سوعان الربيع تقبل كل ود واحترام |
رد: الصبر مقياس احتمالي وصله
هلا والله ومسهلا ارحب تراحيب المطر
نورت يالغالي اشكرك على حسن المتابعه وطيب الاطراء لاهنت ربي يحفظك طال عمرك لاهنت ,,, |
الساعة الآن 03:58 PM
|
Powered by vBulletin® Copyright ©2000 - 2024, Jelsoft Enterprises Ltd.
---