::: مـنتدى قبيلـة الـدواسـر الـرسمي ::: - في الناس من يفرض عليك احترامه

اليا انكر المعروف خاطي هلامه
خساره انك تفعله معك بالذات
،
تطيب معه وقايمٍ في مقامه
وعند السعه تنكر النذل مافات
،
انته مقامك طيب راس وشامه
وطبيعة الطيب مايرضى المهونات
،
راع الردى مايكسب الاّ الندامه
والذرب كساب الفعول الجزيلات
،
في الناس من يفرض عليك احترامه
وجهٍ بشوش وتذخره للمهات
،
وفي الناس يامشكاي مثل النعامه
يدس راسه عند عرض الملمات
،
ردي راس ومعسرٍ في كلامه
لاهوب نفاعٍ ولا فيه صملات
،
عن مجلسه جنب يمال السلامه
استغفرالله منه مانيب شمات

#مبارك_شافي_النتيفات