الا يـاذا القلـم هــــم وتحـــــزم=نبي نطـرب مســانـــا ونترنـــم
وننشى مـن محبتنـا سحــــابـه=تعـــم جلاجـل بقســــم مقـســـــم
تنشى من ورى الطـرقـه نشيـه=وتقبل مثلمــــا جيـــش عرمـــرم
لهـــا برق يحيـل الليـل قــــايـل=وراعدهـــــا له ازحار وتدمـدم
وايلا حقـت وزادت ثـم عـــادت=تجـــــي شعبانهــــا سيـــل يتلطـم
واصلي ثــــــــم اسلـم ثـــم اثنـي=على مــن لــــه كتـاب الله تمــــم
وابادر بالســــلام لمـن سمعنـي=وامسي ثم اعيـد كــــــل مسلـــم
انــــا البارح وليل البـــارح اقفـى=لقيت الشايب النايف على أيهـــم
على ام عنيق يرقب كــل جــايـل=يـدون كــــل ماهــــب وتنـســــم
ولاينسى على كـثر الصـوادف=حفظ مــاضي زمنهـا والمقـــدم
الى ارمش عين عن شي جرا به=تصيد العين الاخرى مــا ترسـم
لفيتــــه فـــــي محـلـــه وانتدبنـي=اجيب العلم ايمن كــــــل معسـم
يقــول الماضي اش علمك بحــاله=وحال الخلق كيف ان كـــان تفهم
رح انشــــد ساكنيـن بالمقـــــابـر=وكيف الحال الاول كيف معـــدم
رح انشد مابقى مـــــن هالمناحي=عن الحــــال الكسيفـه والتغلـدم
لهــــــم بمراسـم الاقـــــلال فــــن=تئن لــــه الحمائـم فـــــي ترنـم
وتبكـي حـــــالهـم ارض ونخــــل=ويشــــــدو فــــي مأتمهـم ميتـم
ايلا هـــــد الوبـــا فيهــــم تجـــنـى=الا وين الطبيب اللـي يبلســــــم
حصـــد منهم حصايد فــــي نقايـل=تصــــك بيوت ما تـورث لمسلـم
تكل مــــن الجنـــايـز يــــد مغسـل=ومن زود العــدد ماهيب تحـزم
ولا الحــي بحظيـظ فــــي معاشـه=ولا اللي يولـــد ولا اللي تحشـم
ويـوم الله ومـــــر حــــــال يبـــدل=تبدل حــــال بامــــر الله ورمـم
وقيـــض لامــرنا ذيـب اليمامـــة=وقيض لـــــه امام وطيـب مغنـم
جمعهـــا فــــي حـــدود ماتعـــدى=وقومهــا وقامــت قومــة اقـــوم
غدينا فــــي وطنــــا قبلـة اللـــــي=رجى زين الحياة وطيب مطعم
ولا اكلف مــن تشهـــوينـا علينـــا=نحيـــر بمـــــا نخيــر بالمـقـــدم
إلهــــي مـــاعبدنـا مـــــن إلــــــه=سواك ولالغيرك طاف محــرم
ولا صمنــــا ولا قمــــــنـا بليــــل=سوى لمنال عفوك انـت اكـــرم
فـــأنت الفضل صاحب كل فضـل=وتغفـر مــــــــا تـأخـر او تـقـدم
فنحمـــــــد منـك نعمـــاءً حبتنـــا=ونسألـك التمـام كـمـا تتمـم

المشاركة الأصلية كتبت بواسطة شوق2 (المشاركة 390141) عله صوت ماينقطع ياراعي جلاجل وصح السانك مليار وزود0 قصيده جميله ومعاني جزله0 تقبل مروري وتحيتي وتقديري0

المشاركة الأصلية كتبت بواسطة أحمد الجردان (المشاركة 390614) هلا بك يا البدراني الدوسري هلا بك يا ولد عمي الغالي أبو فيصل شهادتي فيك مجروحة عسى الله لا يحرمنا من فضله الشاعر جلاجل واللي فيه هالجزلة جلاجل والله لا يحرمنا من جلاجل الديرة وجلاجل الشاعر دمت بود أبا فيصل ودامت جلاجل بخير وكل شبر من وطني الغالي المملكةالعربية السعودية اللهم آمين

المشاركة الأصلية كتبت بواسطة شافي القويسي المخاريم (المشاركة 391379) صح لسانك الصوت كنه صوت ناصر الفراعنه ومثل لحنه هههههههههههههههه قصيده رائعه ننتظر جديدك

المشاركة الأصلية كتبت بواسطة محمد الولامين (المشاركة 391840) صح الله لسانك واعتلا شانك ولا هنت على ماقدمت من ابداع وبيض الله وجهك

المشاركة الأصلية كتبت بواسطة ابن شمسان البدراني (المشاركة 391933) صح لسانك .. وبيض الله وجهك على القصيدة الرااائعة .. تحياتي ،،،