تلــــــوح بخشــــوم الاعـــادي وسومه=مثــــل الرشوم وقايد الصعب بزمام
حرٍّ جناه الصيــــد نغــــذي لحــــومه=تشـــــوف عقبـان الورى منه خرّام

جرى الدمع من عيني على الخد وانتثر =وبيّح بسدّى يا علي دمعي الجاري
شجـــــاني حـــمامٍ ناح بالمورق الخضر =وهيّض غرامي تالي الليل وافكاري
ألا واشقــــا قلبي مـــــن الويل لى ذكر =حبيبٍ جفاني يوم رنّت بع أشعاري
نــــحل حـالتي هجره وياليت ما هجر =محبٍّ يروف بـــحالته دوم ويداري
خنين الــــذوايب يـــا علي كلّما خطر =على البال ذكره سبّه البال بذكاري
أنا كيف باسلا عنـــــه واصبر كما صبر =وانا اللي بحبّه للملا شاعت اخباري
تلفني علــــى فرقــاه وجدي مع السهر =الى شعشع يسري على نورها الساري
حسينٍ سواته مـــا حـــدٍ شاف أو نظر =غزالٍ بزينه يخجـــل البيض ويماري
أنا سبّ شوفي للغضي في شهـــر صفــر =نطحني عصيرٍ ساطـــــعٍ نورها واري
ألا ليت عن حالي وحيّرني بها صافي النحر =وسبّه دليلي عقب مـــــا تيّه افكاري
علامــــــه إلى مـن شافني مقبلٍ نفــــر =والى قلت قولٍ ،قال الله " بيعاري "
ألا يا هل المعـــــروف مــا ينفع الحذر =قضى الله ربي ما قضى بأمره الجاري
بلاني الهوى وبليت بالجـــــادل العفر =وهذا المقدّر يا علي حكمـــــة الباري
هواي الذي عنه اتحفّى مـــــدى الدهر =وهو ما يسل عني ولا هوب في كاري
أرى منه روحي يا هل الغي في خطـــر =إلى مت فاخذوا منه يا هل الهوى ثاري