يصعب علي جرحي بعد ليلة العرس=اجي واحط عيني في وسط عينه
عزاه مدري من قريب(ن) ولا امس=كانت حروفه في عيوني ثمينه
مدري اضيق واشره على حظي النحس= ولا اعد في داخلي كم سنينه
ياشيب عيني لاغدا عشقنا طفس=واغلى غرام(ن) بايعه صار وينه
غيم الفراق الي حجب داخلي شمس=وباقي الفتات الي في قلبي دفينه
حبه في قلبي فاهق(ن) لعشق ابن عبس=لانه الوحيد بعيني يسوى مدينه
كان الغلا في داخلي منغرس غرس=وسيل الغرام بقلبي يروي يمينه
غزاني كود غزوة الروم للفرس=وبيرق غرامه رافعه من ايدنيه
والشوق في قلبي غدا داخلي حبس=حبس السجين الي عاشقله سجينه
وكثر الكلام من بعد هرجه غدا خرس=يلي كلامه دافي الروح زينه
ونبضات قلبي داخله عذبها همس=تحكي سوالف ماضيه لي وبينه
عشت الغرام الي خذا عمرنا الخمس=خمس السنين الي تفوح ياسمينه
الا ياجود من الحزن داخلي عس=واضحى يوفي داخلي باقي دينه
اصعب غرام(ن) داخلي صاير يحس=ان العيون اليوم تمسي حزينه
ياصاحبي صعبه اجي داخل العرس=ياكيف ابارك للي قلبي يدينه
يصعب علي ومن فوقها عزة النفس=اكشف دموعي داخل القلب حينه
برحل وقلبي فاهم(ن) باقي الدرس=وعلى جروح العشق ربي يعينه

.
.
•
صح لسانك واعتلى شانك
ولاهنتٌ على القصيده الجزله

المشاركة الأصلية كتبت بواسطة محمد بن حمد الشكرة (المشاركة 556248) صح الله لسانك يامحمد على القصيدة الجزلة قصيدة رائعة والاروع طلتك البهية ارق التحايا

المشاركة الأصلية كتبت بواسطة ناصر الفصام (المشاركة 556253) . . • صح لسانك واعتلى شانك ولاهنتٌ على القصيده الجزله

المشاركة الأصلية كتبت بواسطة خالد المشاويه (المشاركة 556369) ابوحسين صح السانك يالغالي والله يعطيك العافيه تقبل مروري,,,

المشاركة الأصلية كتبت بواسطة شيهانه بكف صقار (المشاركة 556681) يصعـب علـي جرحـي بـعـد ليـلـة الـعـرس اجــي واحــط عيـنـي فــي وســط عـيـنـه عــزاه مــدري مــن قـريــب(ن) ولا امـــس كـانــت حـروفــه فـــي عـيـونــي ثـمـيـنـه مدري اضيق واشره علـى حظـي النحـس ولا اعـــد فـــي داخــلــي كــــم سـنـيـنـه ياشـيـب عيـنـي لاغــدا عشقـنـا طـفــس واغـلــى غـــرام(ن) بـايـعـه صـــار ويــنــه صـــــــــــــــح الله لســـــــــــــانك رائعه،، رائعه احترامي ~