::: مـنتدى قبيلـة الـدواسـر الـرسمي ::: - تمنيتك تشوفي وجهك اللي بالغدر مشحون

- :: قسم الـشعر العــام :: (http://alduwaser.org/vb/forumdisplay.php?f=16)

- - تمنيتك تشوفي وجهك اللي بالغدر مشحون (http://alduwaser.org/vb/showthread.php?t=44081)

تمنيتك تشوفي وجهك اللي بالغدر مشحون

جميل انك عرفتي غلطتك وانصفتي المحزون
والاجمل بانني غادرت من تاريخ صفحاتك
شطبتيني وانا كنت الوحيد ولا عرفت اشلون
ولاادري كيف قلبك طاوعك تتنكري ذاتك
نسيتي ماضي العشره وصرتي للوفاء فرعون
حرمتي طفل في مهد الابوه من ملذاتك
يمر العام بثنا عشر شهرًا كنها بليون
على قلب الاسير الي تحمل قو ضرباتك
ياليت الوقت ما قابلك بي ياحبي المجنون
ولا سجلت في ساحات وجداني عبارآتك
لكن الماضي المشؤم ينبش جرحي المدفون
تركني للملاء رايه بها وخزات طعناتك
نهاية كل شيء صارت بيدك والبشر يدرون
ترين الناس ما يخفى عليها طول غيباتك
عرفتك مير ما روادني ابحبك شكك واظنون
لكن اللي لمسته منك عرفني برغباتك
دريت انك من اللي للمشاعر بالجفاء يدمون
تكبين العذاب الوان لي في قاع كاساتك
تجردتي من الرحمه وزرتيني ألم واطعون
وصرت ابنظرتك ياخاينه من ظمن غلطاتك
تمنيتك تشوفي وجهك اللي بالغدر مشحون
قبل ترمين لي قدام حلق الله اتهاماتك
ترسب في هجوسك بانني من بالحب يخونون
ولادري كيف اغير نظرتك واقتل حماقاتك
هدمتي كل ما بيدي بنيته في ضروف اغصون
وصارت هامتي دميه تمارس في شروحاتك 0