::: مـنتدى قبيلـة الـدواسـر الـرسمي ::: - مرثية سامي بن محمد الـأحمد السديري في الـأمير : نايف بن عبد العزيز آل سعود رحمة الله

- :: قسم الـشعر العــام :: (http://alduwaser.org/vb/forumdisplay.php?f=16)

مرثية سامي بن محمد الـأحمد السديري في الـأمير : نايف بن عبد العزيز آل سعود رحمة الله

نايف

***

تتلّ القلب ضيقه للقبور و وحشة الأموات
................ وتعثّر بي خطاوي ما تشيل الحمل عن ساقي

.

غديت برجفة الموقف كأنّ اللي مضى مافات
...................... وآنا آعيد الليالي وآسمع مناداه بعماقي

.

وقفت اليوم على وقت أمس اسولف عن عظيمٍ مات
....................... ملا طيبه مسامعـنا ولا خـــــلا لنا باقي

.

يضيع الحكي بشفاه البليغ ويذبحه بإسكات
..................... ويبقى الصمت تباريح الكلام وقصة أوراقي

.

يا نايف ياولد عبدالعزيز إن ضجت الأصوات
........................ علا صوتك بروح الأمن يقرأ سورة الراقي

.

تعلّيت الطموح اللي تمثنى بك على الصعبات
........................ وغديت القمّه اللي ما قواها بالقدم راقي

.

نروح ونرجع لـ عقلك نمرّ الحلم بك ميقات
..................... إذا طاف الغضب فينا غدا حلمك هو الواقي

.

يا رأس المجد والعز المنيع وكاسب الطولات
........................ رحلت وبقيت اعلومك لنا منهج وميثاقي

.

لك العهد القديم من الوفا ومن طيّب الهقوات
.............................. كأنك باقي معنا , غــرام بكل خفّاقي

.

تجفّ شفاهنا من حزنها وعيوننا هيهات
....................... بعد فقدك أناما اشوف غيرالدمع لها ساقي

.

يحشد الموت حولي من فلول الهم والضيقات
................................. وآجرّ الونّه بقلبٍ حطب نيرانه احراقي

.

يطول الحزن ليل مفارقه فيني سهر مابات
.......................... ولا عندي سوى صبري يكحل مقلة احداقي

.

بكيتك لين موق العين توسّم بأصدق العبرات
......................... وما اظن الدمع بعدك يا أميري ينوي اعتاقي

.

رحيلك يبّس عروق الحياة فدنيتي واقتات
............................... معاليق الضلوع ولوّحت غيبتك بفراقي

.

رحمك الله عدد مافي حلوق الناس من دعوات
.......................... وعدد ماهلّ من وبل السحايب غيم دفّاقي

.

جمعت الحب يوم إن المقابر تجمع الأموات
.......................... سلام الله عليك من اطيب العربان واشواقي

.
.
.

شعر : سامي بن محمد الـأحمد السديري

المصدر : جريدة الشرق الـأوسط
الثلاثاء 20 / 8 / 1433هـ