مراسله بلغز بين كل من :

الشاعر / بداح سعود الدوسري

ياخو سلمى جاك قاف فيه ملوى = اومن بغى جم العدود إيمد حبله
ولك من طور سينا لين حدود سلوى = وخيلنا قرح وقدم الخيل عبله
ولاتشرق والدروب البيض علوى = والمصلي يتجه للبيت قبله
ويش عذراء عند بعض الناس بلوى = وتركب الرجال شي ماحسبله
غالية عند العرب ياطير شلوى = صاحية لاشك بعض ايام خبله

رد الشاعر / عبدالله مبارك الدوسري

مرحبا ترحيبة تصلاك صلوى = ياعميل لعب للقاف اولعبله
الجمال بحملها والدار خلوى = ورد إحبالك وكلن يسقي إبله
والمهادي عن قصيره ماتخلوى = حافظ حشمة قصيره ويحسبله
عزها وسق شجرتها مي حلوى = الشجر لامات عرقه طاح حبله
ولاتخليها مع العالم تدلوى = إن غدا الفيروز ماتنعد دبله
وخلها تتلى إمها من خلف تلوى = ماتجي قدامها إلا عند لبله


تنبيه ( اخواني المتابعين اذا عرفتو المقصود اللي بين الشاعرين فكان بها واذا لم تعرفوه بلغوني واعطيكم الاجابه )