::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـشعر العــام :: (http://alduwaser.org/vb/forumdisplay.php?f=16)
-   -   الشاعر مسفر بن منيف المصارير (http://alduwaser.org/vb/showthread.php?t=75942)

ساقان الدواسر 14-10-2017 10:06 PM

الشاعر مسفر بن منيف المصارير
 
السلام عليكم ورحمة الله وبركاته
هذه القصيدة للشاعر / مسفر منيف المصارير



يا صاحبي با الله لا يكثر الرمس
ماني بيمك صدري اليوم ضايق
يا صاحبي تكفى ترى خاطري عمس
ماني برايق كان تبغى الحقايق
كله سبايب من حمس خافقي حمس
ناسٍ غشيمه ما تعرف الطرايق
ناسٍ اتحسب المرجله ركبة الجمس
وتقول ما مثلي بكل الخلايق
الله يطمس مثلهم يا عرب طمس
أهل العلوم الهينات الدقايق
المرجله يا اللي تبا المرجله شمس
من دونها يا ناس ما عاق عايق
اللي يميز فعلها يا بشر خمس
اموثقه عند العرب با الوثايق
طيب ووفاء وصدور ما تعرف الحمس
وجودٍ ولدروب المكارم سبايق
ناسٍ تدف العوق ما تعرف الرمس
و اللاش دايم للغثيثه يوايق
وراع المراجل يأخذ اليوم والأمس
في كل علمٍ غانمٍ دوم فايق
وألا الردي لو هو لمس للقمر لمس
يبقى ردي حيث العلايق علايق
أهل الردى نكبات و وجيههم دمس
واللي سواهم جعلهم للمحايق
يا صاحبي جاتك جهر ما هي بهمس
أهل الوفاء تفرق عن أهل الدقايق
واللي يحسب المرجله ركبة الجمس
ويشوف نفسه فوق كل الخلايق
شرواه قل له يا طويل العمر أمس
والمدح في الرديان ما هو بلايق



الساعة الآن 02:35 AM

Powered by vBulletin® Copyright ©2000 - 2024, Jelsoft Enterprises Ltd.
---