::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصــه و قـصيــده :: (http://alduwaser.org/vb/forumdisplay.php?f=19)
-   -   قصة الدواسر مع الشمري (http://alduwaser.org/vb/showthread.php?t=121)

ابن محمد الودعاني 13-04-2005 02:34 AM

قصة الدواسر مع الشمري
 
في عام 1963في عهد المرحوم الملك فيصل في فترة حرب اليمن كان هناك جماعة من الوداعين وعددهم خمسة ومعهم واحد من الشكرة وواحد من الصخابرة وكانو عائدين من اليمن بسياراتهم النقل المحملة بالبضائع من القهوة والارزاق وكان يرافقهم اثنين من قبيلة شمر بسيارتهم فتعطلت عليهم فنخا الشمري بعزوة ياعيال زايد ففزوا له ووجدوا الحل في تفكيك سيارته قطعة قطعة وتحميلها وقامو بتحميلها في سياراتهم الاربع ولما وصلو الى نجران كان الخبر عند اميرها خالد بن احمد السديري يرحمه الله الامير السابق لنجران وسر بفعلتهم واكرم كل واحد منهم ومعهم الشمري فتكفل بتصليح السيارة على نفقته الخاصة وبعد ذلك انشد خالد الشمري هذه القصيدة بعد ان وصل الى اهله

ياحمود هات الفرت واكمـل زهابـه=كمـل زتاتـه يازبـون المشافيـق
اسرح عليـه ولاتحـن الوطـا بـه=اجنب عسى دربك ودربـه توافيـق
صلهم ترى الممشى يبي من هقابـه=خص الى زانـت دروب الطواريـق
انص السديري زبن من هو لجابـه=سعد الركاب وسعد اهلها من الضيق
سلم عليه اعـداد منشـي سحابـه=وما ورقت لشجار من الوبل توريـق
قله ترى فعلـه فخـر مـن حكابـه=فعل علـى عـزم الردييـن ماطيـق
ثم ثنهـا ياحمـود فهـل الحزابـه=دواسـر قامـت بفعـل المطالـيـق
سلـم عليهـم كـل منهـم بنابـه=سلام احلى مـن غبـوق المفاهيـق
ياويش اقول بمـدح سربـة اذيابـه=يوم استناخ الفرت ثم نشف الريـق
تعصبـوا والكـل يضحـك بنـابـه=وقالوا لي ابشر بالفرج ساعة الضيق
الفـرت حطـوه الذيابـة انهـابـه=كـل يعلـق نبلتـه فـوق تعليـق
شالـوه ربـع للخطـر ماتهـابـه=حتى الكرد شالـوه ماواحـد عيـق
كل يقـول الفـرت عنـدي وانابـه=خوينـا مايلحـقـه دوم تعـويـق
يالبيض ياللـي تنقـش الخضابـه=بالله عليكـن للنشامـا عشاشـيـق
ياكيـف ممدحهـم وازيـد الثنابـه=من حد,,حايل,, لين حـد العواليـق
مدح علـى فعـل ينومـس جوابـه=ماهـوب حكـي مايعـزز بتصديـق
يستاهلونـه بالثنـا والوفـا بــه=مدح الى جا الصدق ماهوب تلفيـق

المصدر(واحة الشعر الشعبي لعبدالله بن حمير)



ويجاري هذه القصة بقصيدة رائعة..الشاعر المرحوم شلعان بن ظافر الودعاني طيب الله ثراه واسكنه فسيح جناته

طاب كيفي ورجلي زان ممشاهـا = والمعاني وزنهـا عـدل ميزانـي
مـا نبـي ناقـد بالنقـد يقفاهـا = خايف من بعض الاشخاص يقفاني
مـن شواذيبهاعليّـت مرقـاهـا = نازله فـي منـازل كـل ديقانـي
ياحـرار رفعهاطيـب مجنـاهـا= من كرمها لها بالطيـب عنوانـي
تشبع اضعوفها من ظرب يمناهـا= تكسب المدح شيبانـن وشبانـي
مرحبـا عـد ماهلـت رفايـاهـا= اوالتراحيب للقاصي مـع الدانـي
من بني عمنـا واللـي توحاهـا= وكل قرم إلي من جيت له جانـي
ليلة مـن ليـال العمـر فدناهـا = وقفتي بين ربعي تبعـد أحزانـي
لابة للمراجـل تشقـح أخطاهـا = تكرم الضيف والجيران والعانـي
لابتي مايـدوس الضـد بحماهـا = من على عصر زايد وبن بدراني
لابتـي زايـد الملطـوم منشاهـا = ممنـة جارهامـن كـل عدوانـي
ترتفع روسنـا لامـن ذكرناهـا= ذا كلامي ونا مـن لاد ودعانـي
لاد ودعان راس الرجـم مرقاهـا = كاسبين المراجل سـر وعلانـي
لابتي من يريـد العـز ينصاهـا = يستريح بذرا ذربيـن الايمانـي
قصت الشمري يانـاس محلاهـا = يوم ثور عسـام الجـو دخانـي
فوق سيارتـه والقـوم تشعاهـا = اجنبـي وحيـد مامعـه ثـانـي
قل عزم المكينـه ونقطـع ماهـا= قال هـذا قعـد مافيـه عقلانـي
ياوداعيـن بحرقهـا وبنسـاهـا = والعوض عند ربي عالي الشانـي
عودولـه ولا واحــد تعـداهـا = حذفو بالهـدوم طيـور حوانـي
شلحوهـا بنـي عمـي وشلاهـا = لابـة فالقـا مـاهـم بـذلانـي
والقنابـل تخطفهـم شظايـاهـا = ماختلف واحد مـن لاد ودعانـي
حملوها ونـار الحـرب تصلاهـا = اشهد انهـم مناعيـر وشجعانـي
عقب يومين في نجـران ملفاهـا = وشترو نقصها من سوق نجراني
ماتعـدو مكانـه ليـن شـداهـا= وشتغل صافين ماهوب خربانـي
ذي سوالف بني عمي شرحناهـا= ماضياتـن لهـا فعـل وبرهانـي


وحسب الاقوال الراجحة والمثبته ان اصحاب القصة اللذين غامروا بنفوسهم هم

المرحوم حمود ابوفاس الجماعين الودعاني الدوسري (صاحب الفكره)
المرحوم فرحان ابو فاس الجماعين الودعاني الدوسري
المرحوم فهيد بن راشوف الجماعين الودعاني الدوسري
ومرضي ابن شما وابنه خريمص الودعاني
هتيمي بن محمد الدوسري
ويوجد هناك اثنين لا تحضرني اسمائهم


تحياتي

تركي ال فنيس 13-04-2005 03:10 AM

اخوي وابن عمي ولد المبيعيج

بيض الله وجهك علي القصه البطوليه

وفيه قصيده تكميليه لموضوعك

القصيده في هذا الامر







من يريد المجد يرثله فعـــــــايل = مثل ما قال القريفه فـي لحونه
بالحلايل وعند قوت الــــــدبايل= كــل مـا جالـه مجـال يمدحــــونـه
ندري أن المال والعمـــــر زايـل= والفعايـل بالتوالـي يذكـــــــرونـه
غير هذا واجـد فعل الحمــــــايل = يدركـــــون الطيـب نـاس يفعلونـه
للدواســــر قصة ماله فعــــــايل = الخـوي وموتــــــره جـاو ينقلونـه
ذا وهم في خوف من شر القنابل=وطايرات في سماهــــم يطــردونه
ذي عوايد عند زينيين الحمـــايل = كـــل حزة ضيق ( زايد ) يندبــونه



--------------------------------------------------------------------------------

هذه القصيدة الترحيبة للشاعر نايف بن محسن بن مسرع المساعرة

في حفلة زواج لاآل ابو سباع المساعرة عند قبيلة الرواشدة الوداعين








مرحبا عد وبلٍ هلّـت مزونـه=والتحيات لأهل الطيـب نكتبهـا
حفلنا ياهـلا باللـي يرودونـه=من بعيـد العـرب ولاّ قرايبهـا
وخص ربعٍ تحفظ العهد وتصونه=لاد ودعـان لاعـدّت مناسبهـا
لابةٍ سعد منهي تحتمـي دونـه=ويوم وقت الجهل بانت مضاربها
كم عدوٍ شكا من ضربهم كونـه=وراجعٍ بالفشيلة مـن يحاربهـا
والخوي مـن قديـمٍ مايخلونـه=وقصة الشمري محدن مكذبهـا
وكانكم ياهل التاريـخ تقرونـه=لابتي كل عـزٍ فـي مشاربهـا
لاد مسعر لهيب الحرب ياطونه=سربة في اللقـا تثبـت كتايبهـا
فعلهم من قديم الوقت يطرونـه=وراية العـز فيديهـم مقاضبهـا
وفي القبايل ترى كل له طعونه=وكل منهو بغى العليا يفوز بهـا

أبوفهيد الودعاني 13-04-2005 03:11 AM

ونعم والله بالاد زايد


صح لسانك ياولد المبيعيج وبيض الله وجهك


على العلوم الطيبه ،،، ،، ،،،

محمد الغريري 13-04-2005 10:40 PM



ثم ثنهـا ياحمـود فهـل الحزابـه = دواسـر قامـت بفعـل المطاليـق
سلـم عليهـم كـل منهـم بنابـه = سلام احلى مـن غبـوق المفاهيـق

ونعم والله بعيال زايد


اهل المروة والكرامة والشجاعة



اخوك في الله

محمد الغريري

ابن محمد الودعاني 13-04-2005 11:04 PM

ابن العم تركي الودعاني

اخوي الغالي البراق

رفيقنا العزيز محمد الغرير

لاهنتوا ياترثة المناعير على كريم مروركم وتفاعلكم

تحياتي

اخوكم ولد المبيعيج

فهد الغريري 13-05-2005 10:09 PM

تسسسسسسلم يابومحمد على هاذي العلوم الغانمه عن صبيان زايد.

اخوك/ فهد الغريري,,,,

ابن محمد الودعاني 13-05-2005 10:19 PM

يامرحبا بمرورك الكريم اخوي فهد

نايف 13-05-2005 11:10 PM

بيض الله وجهك يابو محمد على الأختيار الجميل ,,

تقبل تحياتي ,,,

مسعود المقيبلي 14-05-2005 12:12 AM

بيض الله وجهك يابو محمد

ماتكتب الا الجزل ولا تروي الا الأجزل

ابن محمد الودعاني 14-05-2005 01:33 AM

ووجهك ابيض يالغالي

وماعليك زود يالقرم

ومرورك يشرفني

النداوي 14-05-2005 02:02 AM

شكررررررررررررررررررا لك اخوي


ابووووووووووو محـــــــــــــــــــــــــــــمد واللة اني ادور عليهااااااااااا من زماااااااان
شكرررررررررررر لك مرررررررررة ثاااانية
ولاهي غريبة علا المطاااااااااليق


الف شكر لكل من يحفظ تراثناااااااااا وترااااااث اجدادناااااااااااااا


وياليت اذا تعرف قصة علا معتقدت انا ابوفاااس اللي نخاة خويية والجيب ماشي وهو مصاب ونطمر عندة لين توفو اعتقد يوم حرب اليمن والسعوديو او عبيدة



ولك شكري وتقديري

اخووووووووووووووك الندااااااااااااوي

تركي ال فنيس 14-05-2005 04:10 PM

بو محمد الودعاني اسمحلي علي الأظافه

اسامي الدواسر

1_حمد بن هندي الودعاني
2_حمود ابو فاس الودعاني
3_مرضي بن حمد بن شماء الودعاني
4_محمد بن مرضي الودعاني
5_فهيد بن راشوف الودعاني
6_وفرحان بن سفر الشكره
7_ودغش بن محمد ال شاهر الصخابره



اسم الشمري حمود بن حبيب الشلقان الشمري واخوه خالد

ابن محمد الودعاني 14-05-2005 04:58 PM

اخوي نايف ووجهك ابيض يالغالي


النداوي العفو وماعليك زود وابشر بالخير في الجايات



ابن العم تركي لك جزيل الشكر على اضافاتك ولو تبي تغير الموضوع كله يفداك


تحياتي

تركي ال فنيس 14-05-2005 10:39 PM

اخوي بو محمد بفداك اللاش يالغالي يدل علي طيب اصلك يالقرم

سعد المقابله 14-05-2005 11:27 PM

بيض الله وجهيكم

عزالله شرف التسجيل والمشاركه معكم

كفو والله يا عيال زايد


الساعة الآن 03:13 AM

Powered by vBulletin® Copyright ©2000 - 2024, Jelsoft Enterprises Ltd.
---