::: مـنتدى قبيلـة الـدواسـر الـرسمي ::: - قصيده مدح في قبيله الدواسر

قصيده مدح في قبيله الدواسر (في خوة الدواسر

يقول الشاعر

بعض المجالس لا هجرته تهنيت
لاصار يجمعلك وجــــــيهٍ قبيحه
اما حكو في غرتك كــل ما اقفيت
ولا بلوك ولفقوا لك فـــــــضيحه
والمجلس اللي مجمعٍ لسرابيت
يثر على نفسك وســــــــدك يبحه
ومن لامني لاشمت عنه وصديت
طيح ما سمى يشـــــــهق بصيحه
في صفرهٍ فيها ثمانين عفريــت
تكسر رقبته ما يــــــــغادر مطيحه
الا ومرك الله وفي السوق طبيت
جنب عن المترديه والــــــنطيحه
إلا هداك الله لـــــــخوه وخاويت
دوك الدواســــر كاسـبين المديحه
قومٍ ليا جات الحرايب طواغيت
وكفوفهم تنــــــــدا ولاهي شحيحه
فقيرهم لا جيت بيــــته تعشيت
تلقا الشحم والعــود لازرق وريحه
وكريمهم ترحبته بــــــك لاجيت
ترحيبتٍ تبري القلـــــوب الجريحه
ان قلتله تبقا قلطبك على البيت
وان قلت وشـــــلونك ذبحلك ذبيحه
وصبيهم لا صحت فيه وتعزويت
صدره من النـــــخوه يروع فحيحه
قبيلةٍ يفخر بها الحــــي والميت
شريحةٍ راحـــــــــت وباقي شريحه
ومن عاش يبقى طيب الذكر والصيت
ومن مات منهم جـــعل ربي يبيحه
ألاد زايد هيضوني وغـــــــنيت
ومن طيبهم هاضــت على القريحه
حاولت اعد فعولهم لاكن ازريت
ولا قلت فيهم غير حــاجه صحيحه
فهمت من بعض التجارب وعانيت
ويكفيك عن بعض التجارب نصيحه
إلاهداك الله لـــــــخوه وخاويت
دوك الدواسر كاســــــبين المديحه

(تنويه: ارجو من الاخوه الاعزاء على من يعرف قائل هذه القصيده تدوين اسم الشاعر في الرد ]

ودمتم....