|
يالله عفوك لا تعذِّبنا ولا تبلانا
يالله عفوك لا تعذِّبنا ولا تبلانا= ولا تعاملنا يذا المنة’ بكثر اخطانا يا حيّْ يا قيّوم يا وهَّاب يا ذا العزِّة =يا ذا الجلال اللِّي تكفَّل رزقنا وأعطانا الخالق الباري المصوِّر لا الهٍ غيره =رب تعالت قدرته من نطفةٍ سوَّانا اغفر لنا وأنت الكريم اللي رجينا عفوه =حنَّا بشر وابليس كم غرَّرْ بنا وأغوانا حياتنا الدنيا غدت هي همنا وأغرتنا =وطول الأمل ونعيمها الزايف يارب أغرانا ضاعت حقوق الجار وآآلأرحام ما عد توصل =حتى الولد عن والده في ذا الزمان اتغانا تطاولت لَلْسن على الحكام وأهل الفتوى =ولا عاد نقبل نصح شيخٍ بالتُّقى وصَّانا وما عاد تستنكر مجالسنا الربا والغيبة =نحظر مجالسها ولا نشجب ولا نتوانا وما عاد تعنينا وتؤلمنا قضايا الأمة =والله جفيناهم ولو بأفكارنا ودعانا ومن بين أظهرنا ظهر علماني ولبرالي =توغلوا وأفكارهم للتهلكه تحدانا والَّلهو وأنواع التبرج صارت أمرٍ عادي =ياحسرتي ما عاد جدّينا بستر إنسانا والموعظة يا خالقي ما عاد تثِّر فينا =ولا عاد ينذرنا نذير الموت وسطْ اِلحانا أنت العليم اللي وسعت بكل شيٍ علمك= وبقدرتك تعلم بما نعلم وما يخفانا من غير تدبيرك ولطفك يا إلهي نهلك =ونتيه بين أحلامنا وأوهامنا وأهوانا تقبلوا تحياتي محبكم ابو بدر الجمعة 4 ذو الحجة 1433 |
رد: يالله عفوك لا تعذِّبنا ولا تبلانا
الشاعر الفاضل ظافر الامير
صح لسانك ملايين على كل بيت قلته وأحييك على قصايدك الهادفه شكري وتقديري |
رد: يالله عفوك لا تعذِّبنا ولا تبلانا
ارحب يالامير
ارحب ياشاعر القيم صح لسانك على القصيدة المليئة بالتضرع لله عز وجل والإعتراف بالقصور وكذلك بأفضال الله علينا نسأل الله أن يصلح أحوالنا ويعمر قلوبنا بالإيمان ، وأن ينصر الله الإسلام والمسلمين دائماً مميز أينما تحل يابو بدر تقبل ودي وتقديري ،،،، |
رد: يالله عفوك لا تعذِّبنا ولا تبلانا
اشكرك جزيل الشكر على نقلك الرائع والمميز
بتميزك الدائم تحياااااتي لك |
رد: يالله عفوك لا تعذِّبنا ولا تبلانا
صح لسانك ياظافر
|
رد: يالله عفوك لا تعذِّبنا ولا تبلانا
صح السانك واعتلى شانك
|
رد: يالله عفوك لا تعذِّبنا ولا تبلانا
ابو بدر اسمح لي عبارات المدح عندي انتهت !! صح لسانك واعتلى قدرك وشانك وبيض الله وجهك قصيدة وافيه ولا لي تعليق غير الله يرحمنا برحمته وان يصلح أحوال المسلمين وان يعزهم ياكريم قصيده طيبه تدل على طيبة نباك لاهنت .. |
رد: يالله عفوك لا تعذِّبنا ولا تبلانا
اقتباس:
اقتباس:
اقتباس:
اقتباس:
اقتباس:
اقتباس:
اشكركم جميعاً على مروركم الكريم والرائع بيض الله وجيهكم وجمل الله حالكم وجزاكم جميعاً الجنه |
الساعة الآن 10:29 AM
 |
Powered by vBulletin® Copyright ©2000 - 2024, Jelsoft Enterprises Ltd.
---