|
حفل ابن كليفيخ المخاريم
🌟حفل ابن كليفيخ المخاريم🌟
حن ليا منه بدى اللازم الواجب نبين لادعى داعي القبيله نحضر ونستعد حن اليا عمنا البحر مانجيب الا الثمين البيوت اللي تشوش توقف من قعد إن مدحنا نمدح الكفو والطيب يبين يبتجح لامن بدى لازم له واعتمد 💥💥💥💥💥💥 يالله ياللي خلقت النار والجنه يامنزل رحمته في يوم الاشهادي عنا على منهج القران والسنه ومن عانه الله تحمل كل الاجهادي من عقبها ياهجوس الشعر والله انه اليوم يومك ولا باليوم لك عادي الشعر نبخص طروقه ونعرف فنه ورث ورثناه من تاريخ الاجدادي عند ابن كليفيخ والطالات يزهنه يامرحبا عد مزن له ترعادي في مجلس فايح هيله معا بنه والجمر يدرج بطيبه له تردادي في حفل لآد المنيعي القاف ماحنه القاف نضوي وانا للنضو مقتادي اهم هل الحمل لاكل عجز منه واهل المكاسيب يوم الوقت بطرادي وان عودت للمزاين واعلنوا عنه ومحدد موعده هجري وميلادي وساقو له اهل الزيان بكار ومسنه اما من المشترى والا من تلادي ومحملات بهون في ظهر دنه وارهوا اهلها على الناموس بوكادي جينا المزاين بوضح يخلفن ظنه في ساعة عندها شواش وعنادي الفوز بإذن الولي ماله ولا عنه ندحم بوضح تحير كل نقادي وضح لاطق اللبيد اتجيك مستنه لاسمعت الصوت والا سمعت الحادي يشعاهن الصوت والجمهور يشعنه لاقام راعي الرحول يصيح وينادي ان أقبلت مزنة غاد لها حنه تنثر بردها على الضلعان والوادي من زينها تبهر الجمهور لاجنه والا المعاند يصيبه هم وانكادي يانافدا اللي وقف ومقلط بنه لجمع الدواسر هل الردات وشدادي ورد على الطايله ميراد من كنه شيخ سعى في عتاق وبشر العادي ميقافكم يابو مسفر يبرد الكنه ميقاف عز يشوش رووس الاولادي عوايد من قديم الوقت يقفنه تشهد على مانقوله رووس الاعادي لآد المنيعي حماة الهضب منجنه تقطع شبا الخصم لامن جاك متحادي خيولهم عزتي للي توطنه كم صبحوا من عدو وكم مهجادي ارماحهم في عقيد القوم ما اخطنه من ضرب لآد المنيعي زار الالحادي حنا آل زايد سنام المجد ماعنه أهل السلوم العظيمه واهل الامجادي دواسر مانزلنا نجد بالمنه يكون بمصقلات جرد وحدادي الشاعر /ناصر بن مدعث آل عمار |
رد: حفل ابن كليفيخ المخاريم
اقتباس:
أخوي الغالي : ابن مدعث آل عمار يحفظه الله تحيه تقدير وأعتزاز لمقامكم العالي والغالي ومرحبا مليون بسيسان جداننا آل عمار مخبورين يا ابن مدعث على الطيب من سيسان جدانكم قصيدة جزله من هامه عاليه ويستاهلون الطيب بني عمنا المخاريم والنعم ابن كليفيخ ويستاهل الطيب والنعم بأهلنا آل مانع تيجان روس وشهدتنا فيهم مجروحه والنعم بكافه الدواسر يوم نسند نسند على جبال عاليه . تقبل كل أحترام وتقدير لمقامكم العالي والغالي. أخوك / أبو صقر |
الساعة الآن 10:10 AM
 |
Powered by vBulletin® Copyright ©2000 - 2024, Jelsoft Enterprises Ltd.
---