بدينا بذكر الله ربي عظيم الشان = هو الواحد اللي مابعد خاب طلابه
هو الخالق الرازق هو الهادي الرحمن = والى الله كتب شي علينا رضينابه
الى راد شي كاتبه قال كون وكان = وحنا على صكات بقعا استعنابه
سبحانه اله راعي الفضل والاحسان = ولا رد عبد تايب يطلب التابه
وعند العشي عديتنا في طويل بان = ولاعاد رجم تالي اليوم سرنابه
قعدت اتذكر في المناعير والرديان = ولا اللاش ماينفع ولا من الردي ثابه
ترى اللاش ماينفعك الى من بدا لك شان = وعود العشر ماينفع اللي تعصابه
تضايقتنا والصدر معاد له ميدان = ولا كلم الجوال يوم اتصلنابه
نصيت المبزر يوم هو مارثة شجعان = وسد اللزوم ومرقب الطيب عدابه
سلامي على مدهش سلامي على سلطان = ابوناصر اللي كل طيب تهقوابه
وسلم على بتال بتال بن حشان = الى عدو اهل المرجله فاحسب حسابه
ابونايف ن تلقاه الى فشلو الرديان = الى صك جال جال ما ودك الا به
نتيفات تلقاهم الى حدك الزمان = سعد للرفيق وساعة الحرب حرابه
سلامي عليهم عد ماهمل الودان = وماسال سيل ينهب القشع وترابه
ولا انسى شبيب جعل يفداه كل هدان = ابن برجس طيبه وذكره سمعنابه
ولاد الحبيبي طيبهم من على الجدان = عوايدهم العليا وللطيب كسابه
اعد الصحيح ومن يعد الصحيح معان = ولا خير في ناس تجامل وكذابه

المشاركة الأصلية كتبت بواسطة حطاب (المشاركة 616006) صح لسان قايلها والطيب يستاهل المدح

المشاركة الأصلية كتبت بواسطة ابو فهد الرجباني (المشاركة 616008) يعطيك الف عافية اخونا وشاعرنا الكبير شافي النتيفات على هذه الرائعه.. وصح السان الشاعر شافي ويستاهلون النشاما كسابين الطيب المدح.. والمادح والممدوحين فعلهم غانم، والطيب يجيك ذكره.. تحياتي وتقديري~ْ،

المشاركة الأصلية كتبت بواسطة محمد بن سالم الخضراني (المشاركة 616010) صح لسان أبن وثيلان وصح لسانك ياشافي والله لايهينك على النقل الطيب ويستاهلون الممدوحين المدح واكثر تقديري وحترامي ,,

المشاركة الأصلية كتبت بواسطة نادرالوجود (المشاركة 619330) صح السان الشاعر شافي ابن وثيلان ويستاهلون المدح كفو قول وفعل بيض الله وجهك يا شافي النتيفات

المشاركة الأصلية كتبت بواسطة ناصر بن فهد (المشاركة 619339) صح لسان ابن وثيلان ويستاهلون المدح ربعنا النتيفات وكفووو والله ،، ولآهنت يا ابوشالح على النقل وبيض الله وجهك