"سلالة سند لامن تعزون بنات القوم " قصيدة في الشيخ محمد بن مناحي ابن حفيظ
بسم الله الرحمن الرحيم من باب ذكر وطرح القصايد والقصص التي فيها من الوفاء وذكر اهل المدح والثناء ومن هم يستحقونه , يسعدني اطرح لكم هذي القصيده للشاعر تميم بن عبيد بن حويل الخييلي التي قالها في الشيخ محمد بن مناحي ابن حفيظ شيخ قبيلة الشكرة , ومحمد بن مناحي من الرجال اللى يستحقون المدح لمواقفه ولعلومه الطيبه اللى تطلق وجه ويفتخر بها الجميع ولاهوب غريبً عليه فهو من أسرة أُشتهرت بتاريخها الشامخ بالفروسية وبالشجاعه إضافة للكرم والسجايا الحميده التي تُذكر وتُعرف لدى القبيلة , ومناسبة القصيده كما يرويها صاحبها , انه تقاصر بابله مع محمد بن مناحي صوب الخرج ( اذا منيب غلطان ) وخذوا لهم فتره مهيب قصيره وهم جيران وكانوا يضربّون ابلهم بـ بعير ابن حفيظ ( مسربلان ) وخذوا لهم حلً وهم مع بعض على العلم الطيب وماوجد الا الحشمه والتقدير والعلم الطيب من صوب ابن حفيظ وعند ماشد منهم قال هذي القصيده يذكره فيها ومالاقاه منه من الجانب الزين فيقول ابو عبيد :
انا باديً عند الضحا نايفً مزموم =على نايفً من فوق مزمومتً حره على نايفً من فوق راسه ثلاث ارجوم = يسر الفؤاد احيان واحيان يضره وذكرني اللي بالقسى يذبحون الكوم = جراني اللي معهم النفس مستره سلالة سند لامن تعزون بنات القوم = تعزوت به اللي وجهها كنه الغره قالت سند وينك ذويدي خذاه القوم =تقفوه قومً ما اشردو منه لو ذره نهض وانتهض ثم انتخا زايد الملطوم = في يومً عبوسً اختلط خيره وشره وقال ابشري واستبشري واغرقي بالنوم = ولامن تعزون فعتزيبي امية مره ولحق الطلب من فوق صفرا دقف القوم = ورد العشاير راعي العزوة الحره وارث اسودً شالت اسمه بقو عزوم = تشعشع سنا اسمه من على عالي الحره عسى دارهم من رايحات الحي موسوم = ربوعن تعز الضيف والجار وتبره وتغيث الضعيف اللي شكاى لاهب السموم= وتفك السجين اللي تزايد به الحره اخذت معهم شتوةً كنها لي يوم = معزز مكرم ماتضايقت لو مره وقفوا وانا قفيت وامنت بالمقسوم = وهذي احوال الوقت من عصر ابن مره عسى عينً مابكتهم تجيها هزوم = عسها سويرق ياخذ اشوف بالمره تمت وصلوا عد يمطرن غيوم = على المصطفى وعداد ماطال من ذره وهذا والله يطول بعمر الشاعر تميم بن عبيد ويبارك في الشيخ محمد بن مناحي ابن حفيظ ,, ودمتم بكل خير وسلامة |
رد: "سلالة سند لامن تعزون بنات القوم " قصيدة في الشيخ محمد بن مناحي ابن حفيظ
لاهنت يابو فهاد وبيض الله وجهك وصح الله لسان الشاعر/تميم بن عبيد الخييلات على القصيدة الجزلة ويستاهل ابو سالم المدح ولاهوب غريب عليه الطيب والمراجل وخدمة بني عمه وعسا الله يطول بعمره ويخليه ذخر للدواسر كافة
|
رد: "سلالة سند لامن تعزون بنات القوم " قصيدة في الشيخ محمد بن مناحي ابن حفيظ
|
رد: "سلالة سند لامن تعزون بنات القوم " قصيدة في الشيخ محمد بن مناحي ابن حفيظ
صح الله لسان الشاعر تميم ويستاهل ابوسالم المدح وعسا الله يخليه ذخر للدواسر كافه
ولأهنت أخوي نأإيف على الطرح الطيب تحيأإتي |
رد: "سلالة سند لامن تعزون بنات القوم " قصيدة في الشيخ محمد بن مناحي ابن حفيظ
لاهنت يابو فهاد وبيض الله وجهك على هذا النقل الطيب
الله يطول بعمر الشاعر تميم بن عبيد ويبارك في الشيخ محمد بن مناحي ابن حفيظ |
رد: "سلالة سند لامن تعزون بنات القوم " قصيدة في الشيخ محمد بن مناحي ابن حفيظ
محمد بن حمد الشكره ابو مبخوت الشكره متعب الشكره ابو زابن المسعري أحييكم على تواجدكم الكريم اللى أنار الموضوع ويستاهل ابو سالم المدح والثناء عليه خالص التقدير لكم |
رد: "سلالة سند لامن تعزون بنات القوم " قصيدة في الشيخ محمد بن مناحي ابن حفيظ
صح الله لسان الشاعر تميم ويستاهل ابوسالم المدح وعسا الله يخليه ذخر للدواسر كافه
ولأهنت أخوي نأإيف على الطرح الطيب تحيأإتي |
رد: "سلالة سند لامن تعزون بنات القوم " قصيدة في الشيخ محمد بن مناحي ابن حفيظ
صح لسا ن الشاعر ويستاهل ابو مناحي
|
رد: "سلالة سند لامن تعزون بنات القوم " قصيدة في الشيخ محمد بن مناحي ابن حفيظ
صح لسان الشاعر / ابن عبيد الخييلي
و يستاهل الامير / محمد بن حفيظ ويقصر المدح دونه تحياتي |
رد: "سلالة سند لامن تعزون بنات القوم " قصيدة في الشيخ محمد بن مناحي ابن حفيظ
صح لسان الشاعر / ابن عبيد الخييلي
و يستاهل الامير / محمد بن حفيظ ويقصر المدح دونه تقبلو تحياتي اخوكم الوليد ابن قويد |
رد: "سلالة سند لامن تعزون بنات القوم " قصيدة في الشيخ محمد بن مناحي ابن حفيظ
لاهنت على النقل وصح الله السان الشاعر
والامير محمد بن حفيظ يستاهل كل علم طيب عسى عمره طويل |
الساعة الآن 11:13 PM
|
Powered by vBulletin® Copyright ©2000 - 2024, Jelsoft Enterprises Ltd.
---