يالله بنو مدلهم الخيالا=طافح ربابه مثل شرد المها الزرق
لى جا على البكرين بنى الحلالا=ولى عاد يفصل رعدها عن البرق
يسقي غروس عقب ماهي همالا=حط ,, الحريق ,, ديار الأجواد له طرق
أسقى ,, نعام ,, ثم يملا الهيالا=يصبح حمامه ساجع يلعب الورق
جريت انا صوت الهوى باحتمالا=في وسط بستان سقاه أربع فرق
طبيت مع فرع جديد الحبالا=و ظهرت مع فرع تناحت بي الورق
روشن ,, هيا ,, له فرجتين شمالا=باب مع القبلة وباب مع الشرق
ومبسم ,, هيا ,, له بالظلام اشتعالا=بين البروق وبين مبسم هيا فرق
برق تلالا قلت : عز الجلالا=و أثره جبين صويبحي و أحسبه برق
يا شبه صفرا طار عنها الجلالا=طويلة السمحوق تنزح عن الورق
له ريق أحلى من حليب الجزالا=و أحلى من السكر الى جا من الشرق
حنيت أنا حنة هزيل الجمالا= ينقض روي الخيل قد مسه الفرق
و يا قلّته في عاليات الجبالا=ماها قراح مير من دونها غرق
ما عاد للصبيان فيها احتمالا=من كود فرقاها يديم لها طرق
قالوا تتوب من الهوى ؟ , قلت : لا لا=الا أن تتوب رماح ,, علوى ,, عن الزرق
قالوا تتوب من الهوى ؟ , قلت : لا لا=الا أن يتوبون الحناشل عن السرق
قالوا تتوب من الهوى ؟ , قلت : لا لا=الا أن تتوب الشمس عن مطلع الشرق
أخذت منها حبتين تتالا=يوم ان نسناس الهوى تطرقه طرق

ومبسم ,, هيا ,, لـه بالظـلام اشتعـالا = بين البروق وبيـن مبسـم هيـا فـرق
بـرق تـلالا قلـت : عــز الـجـلالا = و أثره جبين صويبحي و أحسبـه بـرق