::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   والدواسر كلهم مثل أسود في عرين (http://alduwaser.org/vb/showthread.php?t=65474)

أبـ ريماس ـو 07-04-2013 04:01 AM

والدواسر كلهم مثل أسود في عرين
 
قصيده قيلت في منقية فرج بن رويضان بن عقاب المخاريم الدوسري


يافرج نقّيت وضح حوت جبرٍ وزين
فرعٍ و تميل للخلف روس أذانها

مرّق اﻷرقاب بالزين تعجب كل عين
عندها أهل الصنف دايم تغيب أذهانها

جبتها ياماضي الفعل ياذرب اليمين
ماتحسّب ياابيض الوجه زود أثمانها

ياشجاعٍ طيب فعلك مع أيامك يبين
المراجل كل أبوها كسبت رهانها

ياحفيد اللي حمى إبله بمذلوقٍ سنين
زرقته صابة عقيد الغزاة أكوانها

قصةٍ تعرف وعنها القبايل خابرين
جدك عقاب بن مدعث رسم عنوانها

نادرٍ من روس قومٍ لها القاسي يلين
من مخاريمٍ تصيطر على عدوانها

الزحازيح العصاة القروم الصاملين
لا تعلوا كل قبّأ تلوج عنانها

وسلمهم من وقت عهد الجدود ﻷولين
القبايل تعرفه من قديم أزمانها

رجلهم بثنين ما هو بحي الله ثنين
كود من روس اﻷعادي ومن فرسانها

مستديم ومستمرٍ على طول السنين
ورثة أحفاد المخاريم من جدانها

لين جا حكم السعودي على تقوى ودين
وأسلمت ناسٍ من أول تعبد أوثانها

وجا ربيع قال يا ربعي انتم زايدين
كل نفس بنفس والله ذكر برهانها

واستجابوا ﻷمر ربٍ بحكمه قانعين
مابغو ﻻنفس تمادى على طغيانها

ذي فعول اللي عن الدار تنحى الطامعين
وبجماجم ضدهم رسمّوا حدانها

ربعي اﻻد المنيعي نحاز العايلين
كل ماحلّو بدارٍ رحل سكانها

والدواسر كلهم مثل أسودٍ في عرين
ﻻبةٍ كل اﻷعادي تهاب أوطانها

روس قومٍ تكسر الخصم وتفك الزبين
تلطم العايل وتاسم عصا جيرانها




الشاعر/محمد باني المخاريم

حمد ابن فهد 07-04-2013 03:13 PM

رد: والدواسر كلهم مثل أسود في عرين
 
ابوريماس بيض الله وجهك وصح لسانك جزل ولا تجيب ألا الجزل ويستاهل فرج بن رويضان ماقيل فيه

تقبل مني اطيب التحايا


الساعة الآن 05:52 PM

Powered by vBulletin® Copyright ©2000 - 2024, Jelsoft Enterprises Ltd.
---