::: مـنتدى قبيلـة الـدواسـر الـرسمي ::: - اخذوا عليهن حريم وعلها خيره!

- :: قسم الـشعر العــام :: (http://alduwaser.org/vb/forumdisplay.php?f=16)

- - اخذوا عليهن حريم وعلها خيره! (http://alduwaser.org/vb/showthread.php?t=16356)

اخذوا عليهن حريم وعلها خيره!

الله يذكر زمان(ن) فات له سيره + + + اسمع بذكره وانا ما عشت به كلــي
بقول يمكن تلاحقنا مواخيـــــــــره+ + + وقت(ن) فيه الرجال تقوم وتهلــــي
ماهوب الحين لا دشوا مسايـــيره + + + رحب وهو مرتكي والحنك مدلّــــي
بلشان في شيشته ويجر تعميـــره + + + زوله وشكله ابد كنه يزولــــــــــــي
هم قالوا فلان عند الباب في حيره + + + طنش وتسمع قولة: خله يولـــــــي!
ما يقضي لازمه لو انها صغيـــــره + + + ما قد ذبح في حياته غير قلب إلـي
يتعب على كشخته ويا قو تبذيـــره + + + ويا قو بخله على طول وهم قلـــي
يا كثر ربعه وهو حاله مثل غيــره + + + وان جيت للحق تبي تاخذ وتخلـــي
مو كلهم فيه ناس(ن) كلها غيــره + + + لا شك بعض الطبايع ما يجوزلــي
اكثرهم الي يدوج في بناطـــــــيره + + + وراعي الدشاديش متخلف ومختلي
واحدهم ان جاك قصاته وتخصيره + + + يضيع هو مقبل(ن) ولا انه مولــي
وسط القهاوي ضروري صار تحضيره + + + بالصالحيه* تعال وشوف يا مهـلـي
هذي طويله وهذي كنها صغيــــــره + + + وما دام بدينه الجوال متسلــــــــي
ملت عجوزه تسددله فواتيره + + + وهو سوات الكديش ينام ويفلـــــــــــــي
الوضع واضح ولا يحتاج تفسيره + + + ابختصر والسوالف زودت غلـــــــي
لا شك ودي قبل لا فضها سيره + + + بقول ما دام هالجمهور يرسلــــّـــــــي
اصدق شعوره وتصفيقه وتعبيره + + + وان عودت للحقايق وانتهيلـــــــــــي
حريم هالوقت تعميره بتدميره + + + يا قل من هي تحفظ البيت وتصلـــــــــي
هن سبت المشكله ان كل تفكيره + + + كم واحد(ن) عرضنه لصادق الذلــي
ما عندهن غير خدامه وتأشيره + + + غير المصاريف قل وش عندهن قلـــي
السوق والحش وابلش كل تأخيره + + + أسمع من الناس وناس(ن) جت توصلي
والله والله ما يذبح الحرمه بهالديره + + + الا ثلاث(ن) ثبات ما يتخيلـــــــــــي
كبر العمر وانشدوني وايضاُ الغيره + + + وانك تسوي سوات الحاج متولـــي
اخذوا عليهن حريم وعلها خيره + + + شوفوه بالتمثيليه حيل متسلــــــــــــــي !

وسلامتكم

للشاعر : حمد السعيد.