خل المعاذير عنك مالها خانه=سامحت واجد ونفس الحر لوامه
والنفس طابت وشبعانه ورويانه=والصايم افطر عقب ماطول اصيامه
عرش الغلا فأر مأرب زعزع اركانه=وانهد شوفي بعينك تالي احطامه
وش ارتجي منك عقب اليوم يافلانه=مدام قصر الغلا هديتي احلامه
روحي مراح القطا لاظف جنحانه=في كنة القيظ والميراد قدامه
والحب فالقلب مات ويبس شريانه=والحب لامات اقول ان دفنه اكرامه
والحب تاج الغلا والصدق عنوانه=وانته وشكلك حرام تلبس اوسامه
والحب باصك شباكه وبيبانه=والقلب باطوعه واللجمه بالجامه
اللي جرى مستحيل وصعب نسيانه=ماينمحي لو يطول الوقت وايامه
والرجل لاقال يحمي كلمة اللسانه=ياكود رجل ردي عزوم وهلامه
ونا حسن كان قدري جاهل شانه=خلقت من فضل ربي عالي الهامه
من روس قوم تحوش الجزل وسمانه=عن مرتع الذل عزامه وجزامه
ماذل نفسي لغير الله سبحانه=واشوم عن موقف الحقران وقزامه
والحب للي يعرف الحب وثمانه=ماهوب موضه وسياره وخدامه
هذاك بركز على المرقاب نيشانه=قربه يداوي جروح القلب وألامه
جعلك فدا اللي قريت الشوق بأعيانه=ياعل قلبي بقربه يحسن اختامه

المشاركة الأصلية كتبت بواسطة فارس الكلمه (المشاركة 324957) حسن بن بطيحه صح السانك مليون مره يالغالي ولايكفون اخوي حسن عندي ملاحظه في الشطر هذى ممكن ناسي الحرف والحب تاج الغلا والصديق عنوانـه والحب تاج الغلا والصدق عنوانه

المشاركة الأصلية كتبت بواسطة بوحمد الحمد (المشاركة 325087) صح السسانكـ ولاهنت على هذه الكلمات يا القرم بيض الله وجهكـَ دمت بكل خير .. لكـَ سلامي وتقديري .. دمت بود

المشاركة الأصلية كتبت بواسطة ابو زابن المسعري (المشاركة 325104) الشاعر حسن بن بطحيّه الودعاني صح الله السانك وبيض الله وجهك على هذه القصيده الجزله جعلك تسلم وجعل ربي يطول عمرك قصيده جزله من شاعر جزل لك جزيل الشكر اخووووووك ابو زابن

المشاركة الأصلية كتبت بواسطة المهلب (المشاركة 325166) بيض الله وجهك ياخوي حسن على ذا الابيات اللي تهز المشاعر ,,,,عز الله أنك شاعرٍ جزل ,,,,,,,دمت مبدعا ,,,,

المشاركة الأصلية كتبت بواسطة فهد مبارك الودعاني (المشاركة 325219) أي والله أرحب و أسهل يأبو محمد أنشهد أنكـ كفيت ووفيت يالذيب وصح السانكـ وأعتلى شانكـ يالغالي قصيدة جزله من رأس جزل لـك كـل الأحـتـرام و الـتـقـديـر.