::: مـنتدى قبيلـة الـدواسـر الـرسمي :::

بسم الله الرحمن الرحيم
هذى قصـــــة اثنين يعشقـــون بعض عيال عم من يوم كانوا صغار , تقول البنت
انا لوقصيتي تكتب ويقراها طفل مولــــود
يحس بحسرتي ويكره زمــــــــان فيه ميـــــلاده ..
وتقول :
والهمــــوم اللي دعتني من بعد سن الطفــولة
كلهـــــــا من تحت راس العشق ملعون الصـــــلايب ..!!
هم اثنين حبوا بعض حب عذري برىء وهم صغار ويسعون لتحقيقه كبار
قال الولد
انا وانت وش اوصفلك عجز عن وصفنا تعبيــر
مثل مـــــــدري! مثل وشـــــو! ولكن صعب تصــــويرة
انا وانت! بلااش انت! أنا لو بفقدك شي يصير
مجرد طـــاري الفرقـــــــــــ علي ياصعب تأثيــــــــرة
أحبـــــك ايه احبـــــك ذي بعد يبغالها تفكير
يخـــــــلف الله على عقـــــــل ملكتي كل تفكـــــــــــــــيره

ولما صارح ولد العم عمه انه يبي يتزوج بنت عمه وانه طول عمره يحبها والحين جا الوقت اللي يعلن عن حبه ويتقدم لخطبتها

قال عمه انه مايقدر لان ..
" الرضــــــــاعة تمنـــعك " انت رضعت معي يعني انت عمها بالرضاعه , فشلون تزوجها!!!

راح يتاكد ولما تاكد انصدم !!

على طول راح لبنت عمه اللي يحبها وقال لها :

مــــــــــدي يميـــــنك لاتقــولين وش صار
واذا حــــــــصل مني خـطــــــــا ســــــــامحيني
يابنــــــــــت ممشــاي على كف الاقــدار
واللي ينكتـــــــب لي لازم انه يجيــــــــــــــــــــني
حل الفـــــــراق وعادة الوقـت غــــــــدار
واللـــه على حـــكم الليــــــــــــــــــــالي يعـــــني
اوصيك انا بوصيك في حفظ الاســــرار
وخـــــــلك على ماكنت بوســــــــط عــــــــــــــيني
ولاتعـــــــــتذر ماحصل منك مقصـــار
بس امسحي دمعـــــــــك ترى تحرجـــــــــــــــيني

لما عرفت البنت الكل اكيد يقدر يتصور موقفها وفـــوق هذا تزوج الانسان اللي تعشقه للجنـــــوون تقول :

هلت دموع السمـــــا عند الــــــوداع
وارسلت بغيومـــــها شــــوق وحنيـــــن
قــــــــــال ودع مايفيد الامتنـــــاع
الشقـــــــــا مقســوم بس الله يــــــــعين
ياحســـــايف وقتنا والعمر ضـــــاع
لسمع الصوت يوم الفرقــــــــا سنــــين

وبعد سنة الله رزقة بولد وصارت تحب الولد اكثر من نفسها لان غلااا الولد من غلاا" أبـــــــوه "

لدرجة ان كل الناس لاحظوا وانتبهوا عليها وانها المسكينه ماتقدر تكتم مشاعرها والخنقه اللي فيها فضحتها
لين جا الوقت اللي قال لها ولد عمها فيه لها لاتجين ولدي وعامليني كابن عمك فقط ولاتكشفين قدامي !

تقول البنت

ياويـــــــله من الله ماهقــــيت اني ولاشــــي
وانـــــــا اللي احســــبني احــلى مقاديــــــره

البنت ماتدري ان ولد عمها للحين ميـــــت عليـــهاا وانه ما قال لها هالكلام الا عشان يخليها" تـكرهه " وتكمل حياتها
وهو من حبه لها يبيها تكمل حياتها وتهتم بنفسها وتــزوج !!!

وفعلا بعد فترة تزوجت البنت وبليلة عرسها جا ولد عمها يزفها لزوجها بحكم انه عمها بالرضاعه مسك يدها ويناظرها بعين تخنقها العبرة
ويقول هذى الابيات
يهل دمـــــعي واقهره داخل العــــــين
اخــــــــاف من حولي يقولوا هزيمــــــة
لاوالذي والف قلوب المحـــــــــــــبين
ماصــدرت دمعــــــات عيني ظلــــــــيمة
انا بكيت من الوفـــا والوفــا ديــــــن
لاجــــل الغـــــــــلا والذكريات القديمــة

وفي نهـــــــــاية قصتي احب اختصــــارها بهالبيتين :

[ وش حيلت اللي هــــــــام بحب مخلـــوق] " فرقــــاه مــوت, وجيتــــه " مستحـــــــيله" ..~

وسلامتكم