هيه ياربعا تبـون الحسـا ياطارشيـن=ياهـل العيـرات ياكاربيـن حبالـهـا
كلمـة بقولهـا للذهيـن اللـي فطيـن=كلمـة بقولـهـا واحــذروا بدالـهـا
قولوا الحقبان نعـم ياللـي حاضريـن=ادوا المجهـود بيمانـهـم وافعالـهـا
لابتي لاد العياضي هل المـدح السميـن=فـي نهـار صـار عقالهـا جهالـهـا
نوخوا عفاس وان طاف صبحه له ونين=يسحبونه في الضحى يستوي في ضلالها
فنعم يالحقبان زادوا على الديـان ديـن=تلعن اليمنى الشياطين هـي وشمالهـا
نعم ياربع المصارير لاجا الوجه شيـن=حصلوا كسب النواميـس فـي مجالهـا
صايحاً مازعزع العـود اللـي غافليـن=زايـد ياضايـع الـقـول ياخمالـهـا
كان جاك العبد يومي بكفه لـه رطيـن=مثل سيـل بالمحانيـب كـض جبالهـا
آل زايد هم هل المدح وهم المحتضيـن=هم شبوب الحرب فـي ليلـه وامثالهـا
كل منهم حامـي ديرتـه مالـه عويـن=كود سبرات النظـر فـي يـدا نقالهـا
كم شجاعا فرقوا بينـه وبيـن الخديـن=تدهلـه لـه ذيبتـن تنقلـه لعيالـهـا
ليت منهو حاضـر عندهـم ياسامعيـن=تبرد شبـوب اللواهيـب مـن عذالهـا
صلب أبوي اللي كفانا وحنـا غايبيـن=واستوى النامـوس يازاهيـه جمالهـا