ياويل تركي ومستور بكره ليا صـار كلبيـش=بكره يحـرج عليكـم زيـن لوزيـر التجـاره
تبغون زود الرواتب بالله زيـاده علـى ويـش=انته رصيدك ملايين وانتـه ثنعشـر عمـاره

حنا نعد الحقيقه والصـدق ياخفيـف الريـش=وانقولهـا لـك هنيـا وانقولهـا فـالـوزاره
اتجارتك يابن عتقـان جمعتهـا بالبخاشيـش=من حـد جـده وبحـره لاحـد وادي ستـاره

الغرفه اثنين فثنين وانته وعـودك مكاميـش=ويجيك بلطان يهـرج والا ريـاض الشـراره
انا مواطـن مسالـم تسدنـي لقمـة العيـش=ياتركي اخدم بلادي والربـح مثـل الخسـاره

انته من اهل عليشه وتسجل الصوت بشويـش=لكـن سجـل وسجـل واخبـر مديـر الاداره
حنا حماة الجزيره بامـر الرجـال المداغيـش=واخوان نوره نسدنا لان جات غـاره وغـاره

بكره نناديك بدري ونجيب كهرب مـن الفيـش=وانحطها في جنوبـك حتـى تكـب الشطـاره
افرض يناديك نايف ويقول الاعـذار مافيـش=الصبح يعطيك باكور والعصر يصـدر قـراره

انا سعودي محنك ماني من اهـل الطرابيـش=وامرك ماهو بامر سلمان أمير نجد وشعـاره
نايف على الراس والعين ويدوم للشعب ويعيش=وانته سلمي(ن)ضعيف تونس بكبـدك حـراره

انته سعودي محنك ما انت النبي صفوة قريش=قدام سلمان يـدري صلـو صـلاة استخـاره
لو ان خصمك ضعيف ما قفلت معك بالشيـش=لكن والله ما الومك مطرود فـي كـل حـاره