::: مـنتدى قبيلـة الـدواسـر الـرسمي :::

"*دار الـزمــان بْــدورةٍ تَــشْــدَه الـبــــال

حـتَّـــى بــدَت للعـيــن كل الـدواليـب

الساقـطيــن إِلـْيَا زمَــى العِـز بِـرْجَـال

القاصــرين إِﻻ‌َّ عـن النقـــص والعيــب

اللي يَحَـسْبُــون المـــراجــل باﻷ‌قوال

رْجَـــال! لـــكــن بالمــواقــف رعابيـب

أَهْـل الــرّدَى والـــذل عَـبَّــادَة المــــال

هُـمْ مـن متَى للنايفــه والمراقيـب...؟!

سَبَّـاقــةٍ للـعـيــب بالـقـيــل والــقــال*

مَــــﻼ‌َّقـــةٍ بـــالـطِّـيــب زور وأكـاذيــب

بقلوبهــــم لو تَــزْرَع الطِّـيــب ماطــال

وبِعْيُــونهــم شوفـات (صفـر العراقيـب)

ماجيت أبا اهديهــم بها القول منــزال

وزود الغنم مانــال من هيبـــة الذيــب

حقرانهم بِصْــدورهم يِشْعِـل إشْعَـــال

وﻻ‌َنــي مْــدَوِّر من ورَاهُـم مـطـاليـــب

ﻻ‌َشَـكْ شفــت اللــي يْخَلّيــك تِهْتَــال

شوف العيــون وﻻ‌َ بنيتــه علَـى الريب

ماشفْــت لي دنيا بها الكــدْش تختال

إﻻ‌ علَى حصن الرّمَــك شَقَّت الجيــب

ليت العمُــر طولــه علَى قـد اﻷ‌فـعـــال

حتى الرّدِى يَفْنَى ويَبْقَى هَلَ الطِّيب

أو ليت ﻷ‌صحــاب الرّدَى لــون وأشكال

من شان نَفْرقْهُم من أهل المواجيب

مايِسْتوي ﻷ‌هْـل الشرف قُرب اﻷ‌نذال

لكن قدَر مكتــوب من عالـــم الغيـب