بسم الله الرحمن الرحيم

السلام عليكم ورحمة الله وبركاته

اقدم أليكم هذه المجاراه التي جرت بين عبدالله بن نايف ابن عون العتيبي وسعد ابن جدلان الاكلبي ومحمد ابن عباد السلولي الشهراني وثم رد عليهم ابن عون وهي من القصائد المشهوره بالمجاراه الجميله وكانت البدايه مع

الشاعر عبدالله أبن عون
........


شعتني علوم الصيف وارقلت للمسناد ×× ولاعاد يعذل واحـدٍ طافـح شبلـه

آبي عبلةٍ ضافي عليها كما السجـاد ×× ديارً يرود عدودها من يحـب ابلـه

ولاعاد لي من يوم سال الشفا مقعاد ×× عتيبي وداري فوق ونحيتـي قبلـه

مادامه وكد لي سيل وادي قليب عناد ×× انا ويش يحرمني شفا نجد والعبلـه

أبتبع هوى وضحاً تحط البيـد سنـاد ×× لها غير زين طبوعهـا خـدةً قبلـه

ليا سمعت الحادي نده ندهة الميـراد ×× تقود اول الزعجول لول وتقربلـه

ابيها ترفع فوق عن ساخن الانفـاد ×× وتجي في فياح كل مصلاح يطربله

انا في الديار الطامنه في تعب وجهاد ×× على كثر مرعاها مداخيلهـا خبلـه

عساها يساقيها المطر ديرة الاجـواد ×× ولابيها لون ثمامهـا ينقلـب ربلـه




مجاراة الشاعر سعد بن جدلان الاكلبي لقصيدة ابن عون
................



شعتني قصيدة شاعرً عـذ ّب القصـاد ×× ماحد يستلذ السالفه ليـن تنسـبلـه

علومك يا بو نايف قراح ٍ على الأكبـاد ×× لكن تجرح قلوب ٍ مع الوضح منهبلـه

مواليف وضح ٍ كنها وضحى بن عبّـاد ×× ليا شافها راعي الدبش طيـرت شبلـه

تواغض مع الريضان كنها خيام أسيـاد ×× لونها بعيد ٍ بـادي الرجـم تقـربلـه

أو حمّـى مغاتيـر ٍ مقاديمهـا شـراد ×× هريب السحاب اللـي تواليـه منسبلـه

قبلها ليـا مـن المنـاره سناهـا زاد ×× قبل الاشهب المرشوش لا فضو اصطبله

عنقا مارق ٍ نسنوسها سدوهـا منقـاد ×× مع طـول خدتهـا خراطيمهـا سبلـه

شنـاح ٍ طفـوح شبلهـا دايـم ٍ خـدّاد ×× لونها مع ذود ابن عمـي خذيـت ابلـه

لا ضاقت براعيها الوسيعه بكـل بـلاد ×× يحوّم و كبده من هـل المـدن مندبلـه

لا منه نطحها عصر و لا هجد مهجـاد ×× ليا شافته قامـت تـرازم ترحـبلـه

هذي تنطحه تبغـى تقبّلـه جـد عمـاد ×× وهذي تنهب شماغه و هاذيك تلعبلـه

و الله ما يهني من حكم عاصمة بغـداد ×× اللي له مزامير الفخر تظرب الطبلـه





مجاراة الشاعر محمد ابن عبّاد لما سبـق
..............




جذبني صدى صوت ٍ تلاحت به الأطـواد ×× يتعّب هواة الشعر بعـده و مـن قبلـه

صدى صوت عرّافٍ لشعـر الأدب روّاد ×× منابع عيون الشعر و الكلمـه الذبلـه

تلاحو على وضح ٍ عليها العيون حداد ×× ولوف ٍ على صوت الموده تراقـبلـه

دقاق العنـوق اللـي خراطيمهـا ورّاد ×× على حب راعيها شغـوف ٍ و منجبلـه

تقدم لها بن عون في وصفهـا نشّـاد ×× و شعا الأكلبي و الأكلبي تلنـي حبلـه

و انا قبل صوته ماشي ٍفي الطريق حياد ×× على ما تقول الناس كل ٍ علـى هبلـه

و بعد زعزع الوضحى فلا عاد لي صدّاد ×× سلولي و قلبي طاري الوضح يرغبله

ابتعب واحاول لو لحقني عنـا و انكـاد ×× على منهج ًٍ ما كل قاف ٍ يناسـبلـه

و انا في هواها مغرم ٍ هايـم ٍ منقـاد ×× لو اكثر علي اللوم فـي حبهـا الابلـه

اوقع لهـا بالعشـر واشهّـد الأشهـاد ×× انه لاعب ٍ بـي حبهـا لعبـة السبلـه



فرد عليهم عبدالله بن نايف ابن عون
..............


بيوتٍ صداها كل ماينتهي ينعاد ×× هماليل ديمٍ دافق رافق وبله

من الشاعرين أللي على المنهج المعتاد ×× بيوتٍ ماهيب بيوتهم ويش تكتبله

الا وحيت بيت الاكلبي والا ابن عباد ×× اقول الذلول بلا كذا ويش تشعبله

من الناس من يركب ذلوله بدون شداد ×× ولاهوب ويا الفوز لو كان يتعبله

عوى ذيب خشرم في رفيع الحشا المنقاد ×× بعد سمع ذيبٍ في قرى الكور يقنبله

علاج عوى الذيبين للحاضره والباد ×× وشفا للكبود أللي من الهزل مندبله

على مسمعي دايم بيوت الثنين جداد ×× كما نوج دهن العود للي يقربله

شعتهم هجينيات ابن عون والمسناد ×× وكلٍ من الاثنين وده يوجبله

سلامي وشكري كل ماهبت الانواد ×× على من كلامه زين الامثال يضربله