::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://www.alduwaser.org/vb/index.php)
-   :: قسم إبداعات شعراء المنتدى ومساجلاتهم :: (http://www.alduwaser.org/vb/forumdisplay.php?f=17)
-   -   عيني تهل الدمع والقلب محزون (http://www.alduwaser.org/vb/showthread.php?t=65905)

أحمد الجردان 18-05-2013 10:54 AM

عيني تهل الدمع والقلب محزون
 
قصيدة رثاء


في عمي


البدراني الدوسري

عبدالعزيز بن جردان الجردان


رحمه الله


المتوفى


يوم الجمعة


23/6/1434






عيني تهل الدمع والقلب محزون


على حبيب ٍ مات لا و سفابه





في جمعِة ٍ وأهل الجوامع يصلون


كل ٍ يبي عفوه ويخشى عذابه





والسبت في قبره رهين ٍ ومدفون


جعل الملايك تحتفي ( ياهلابه)





فجيعةٍ موته وياليت مديون


والله لفك الدَين وابري مصابه





مير البلا موتٍ وبالموت مرهون


تحت الثرى مدفون بليّا ثيابه





جعله شهيد ٍ بالمرض مات مبطون


ويومَ الفزع يامن وياخذ كتابه





بايمن يدينه يشرب الما على هون


من حوض خير الخلق لذة شرابه





رجل ٍ نصوح ٍ واصل ٍ يبذل العون


عنده حمية للخوي والقرابه





في سلم التعليم يا اللي تعدون


درّس بنجران ٍ ودربه بدا به





ثُم ٍ غدى للخرج حولين يَكفون


ثُم ٍ رياض العز دار المهابه





و اربع سنين بدار زايد يتمون


بالشارقة درّس وعلمه زهابه





ثُم ٍ تقاعد وللمزارع يسومون


أرخص عزيز المال ثُم ٍ شرا به





زرع ٍ بديرابَ المسمى به فنون


زرع ٍ لبن جردان زرع الطرابه





فيه النخل فيه الشجر فيه ليمون


يذوق خيراته رفيق وقرابه





وايضا ضعيف الناس واللي يطرّون


يطولهم خيره عظيم ٍ ثوابه





الله أكبر عد من جو يعزون


اثنو عليه بخير وطيب ٍ مشى به





وصلاة ربي عِد منهم يلبون


على النبي وال آل ويَّا الصحابه






أحمد بن محمد الجردان





(جلاجل )




راشد المسعري 19-05-2013 02:04 PM

رد: عيني تهل الدمع والقلب محزون
 
الله يغفر للشيخ عبدالعزيز بن جردان ويجعل مثواه الجنه
والنعم به وبذكره ونسأل الله أن يبارك في ابنائه ويعوضهم
لاهنت يابو بدران على المشاعر الصادقة ورحمة الله فقيدكم
تقبل ودي وتقديري ،،،،


أحمد الجردان 22-05-2013 10:23 AM

رد: عيني تهل الدمع والقلب محزون
 
اقتباس:
المشاركة الأصلية كتبت بواسطة راشد المسعري http://www.alduwaser.org/vb/al-dowas...s/viewpost.gif
الله يغفر للشيخ عبدالعزيز بن جردان ويجعل مثواه الجنه
والنعم به وبذكره ونسأل الله أن يبارك في ابنائه ويعوضهم
لاهنت يابو بدران على المشاعر الصادقة ورحمة الله فقيدكم
تقبل ودي وتقديري ،،،،





هلا بك يالغالي

الله يتقبل دعواتك

و الله يشكر لك مشاعرك

ومرورك شرفٌ لي

تقبل تحيتي




0


الساعة الآن 02:37 PM

Powered by vBulletin® Copyright ©2000 - 2022, Jelsoft Enterprises Ltd.
---