راكب اللي لا مشا يطوي القار = ما يقدر السواق يلحق قياسه
جمس ٍ جديد ما نسع فيه مسمار = من سرعته يمكن تناقز طياسه
سواقه اللي في معانيه بيطار = حذرا من الهسات يبعد نعاسه
من الكويت يسرح في وقت الاسحار = والعصر في وادي يسما بناسه *
وادي الدواسر جعل يسقيه الامطار = ويسقي نخيل مبطي في غراسه
ديرة بني عمي طويلين الاشبار = اهل الحميه والصخا والفراسه
يا ما نحو من دونها كل عيار = سقم المعادي لين كمل عطاسه
فاتوا جميع الناس بحشمة الجار = لا عاد منهو ضد جاره جفاسه
وعيوا يبيعون اللحم بد الاسعار = لا عاد بعض الناس يجلب خياسه
وخويهم توسم عصاه إلا من سار = وتكرم لحاهم ما تعرف البلاسه
وإلا وصلت الدار وكفيت الاشرار = قدام بيت ذعار صفه و واسه *
وقله ترى يا ذعار مانيب هذار = لا شك قلبي صاير به حساسه
تلعبي الدنيا على غير مختار = لا سر قلبي بالزمان واقتناصه
ذعذع هوى ذا الجيل في كل الاقطار = سكر هواي مخطر بنعكاسه
والله ما اجامل مع اهل الخزي والعار = ولا اجلس مجالس من رضا بالنجاسه
حيات رب البيت ما ابني لي جدار = في مجلس تدبي عليه الهياسه
وان ما حصل لي مسكن بين الاخيار = بيت الشعر والذود عز و وناسه

المشاركة الأصلية كتبت بواسطة الشكري قصيدة سعد بن مبخوت ال ثاقب الشكره ( ابو سالم ) الله يطول في عمره ويوجها لواحد من ربعه من اهل الوادي ( ذعار المسعري ) يتكلم عن اهل وادي الدواسر ويذكر صفات عرفت فيها قبيلة الدواسر وهذي قصيدة سعد ابن إعجيبه : راكب اللي لا مشا يطوي القار = ما يقدر السواق يلحق قياسه جمس ٍ جديد ما نسع فيه مسمار = من سرعته يمكن تناقز طياسه سواقه اللي في معانيه بيطار = حذرا من الهسات يبعد نعاسه من الكويت يسرح في وقت الاسحار= والعصر في وادي يسما بناسه * وادي الدواسر جعل يسقيه الامطار = ويسقي نخيل مبطي في غراسه ديرة بني عمي طويلين الاشبار = اهل الحميه والصخا والفراسه يا ما نحو من دونها كل عيار = سقم المعادي لين كمل عطاسه فاتوا جميع الناس بحشمة الجار = لا عاد منهو ضد جاره جفاسه وعيوا يبيعون اللحم بد الاسعار = لا عاد بعض الناس يجلب خياسه وخويهم توسم عصاه إلا من سار = وتكرم لحاهم ما تعرف البلاسه وإلا وصلت الدار وكفيت الاشرار = قدام بيت ذعار صفه و واسه * وقله ترى يا ذعار مانيب هذار = لا شك قلبي صاير به حساسه تلعبي الدنيا على غير مختار = لا سر قلبي بالزمان واقتناصه ذعذع هوى ذا الجيل في كل الاقطار = سكر هواي مخطر بنعكاسه والله ما اجامل مع اهل الخزي والعار = ولا اجلس مجالس من رضا بالنجاسه حيات رب البيت ما ابني لي جدار = في مجلس تدبي عليه الهياسه وان ما حصل لي مسكن بين الاخيار = بيت الشعر والذود عز و وناسه * وادي يسما بناسه يقصد وادي الدواسر * ذعار المقصود هو ذعار بن عوضان ال ابا الحسن المساعره

المشاركة الأصلية كتبت بواسطة بليهي الودعاني أخي وإبن عمي الحبيـــب الغالــــــي ((الشكـــــــــــــــــــــــــــــــــــــــــــــــــــــــــــري)) وش ذي الأبيات؟!! الرائعه جداً أشكرك على إيرادها .

المشاركة الأصلية كتبت بواسطة مترك المسعري لا هنت اخوي الشكري على الابيات الرائعة وخويهم توسم عصاه إلا مـن & سـاروتكرم لحاهـم مـا تعـرف البلاسـه و ننتظر جديدك المفيد ,,,

المشاركة الأصلية كتبت بواسطة فهد الدهمش الشكري.... ما اجمل المساجلات والمراسيل وهي حلاة الشعر الله يطول بعمرك تحياتي,,,,

المشاركة الأصلية كتبت بواسطة ابن محمد الودعاني اخوي وابن عمي الشكري تسلم يمناك على النقل وصح السان الشاعر سعد ابن مبخوت ودايما ماتجي اللا بالمميز لاهنت

المشاركة الأصلية كتبت بواسطة دغش البطي المراقب والناقل المميز : الشكري أبو عبدالله يعجز الكيبورد وصاحبه عن الشكر لمقامك العالي ومجهوداتك المستمره في هذا المنتدى الشامخ بيض الله وجهك يابن عمي على ماكتبت لنا وصح الله السان الشاعر الكبير سعد بن مبخوت ال ثاقب الشكره ( ابو سالم ) الله يطول في عمره لاهنت جعل من أرثك في الجنه تقبل الود والتقدير والشكر والعرفان من محب الجميع

المشاركة الأصلية كتبت بواسطة هايف العماني صح الله لسان الشاعر بوسالم الشكره والله يمد بعمرته على طاعته وبيض الله وجهك يابوعبدالله على ايراد هذه القصيدة الجميله تقبل تحياتي،،

المشاركة الأصلية كتبت بواسطة ناجي الشكري السلام عليكم ورحمة الله وبركاته اخي ابو عبدالله اشكرك على النقل المميز ويعطيك العافيه ويرحم شايبك ويدخله جنات النعيم. يوجد رد من ذعار على القصيده وأن شاء الله اجيبها والقصه هي ان ذعار وابو سالم يشتغلون في الكويت وابطى ذعار من جماعته وأهله في الوادي حوالي سنه ولاعنده سياره وفزعله ابن عجيبه ووداه للوادي