::: مـنتدى قبيلـة الـدواسـر الـرسمي ::: - تواصل الشعراء مع تأهل الشاعر نايف بن مسرع (جديد)

- :: منتدى شاعر المليون لنسخته الخامسة :: (http://alduwaser.org/vb/forumdisplay.php?f=85)

تواصل الشعراء مع تأهل الشاعر نايف بن مسرع (جديد)

السلام عليكم ورحمة الله وبركاته:

تأهل الشاعر نايف بن مسرع إلى شاعر المليون في نسخته الخامسة ما زالت اصدائه تجد تجاوباً رائعا من شعراء مميزين من الدواسر وغيرهم ، حيث تفاعل شعراء كبار على الرابط التالي:

http://www.alduwaser.org/vb/showthre...658#post695658

وما زال تواصل الشعراء مستمراً وأترككم مع بعض الأبيات:

الشاعر ابراهيم بن محمد العامر البدراني:
حرن شهر من ماكره صوب الجنــــــــوب
ثم اتجــه يبــي العشـــاء فابـو ظـــبي

ان ساعفه للشرق ذعذاع الهـــــــــبوب
مخــلاب ابو مسرع عطيــب المظربي

البيرق اللي تنظره كل الشــــــــــــعوب
الحــروه انه حازته يمـــنا الصبــــــــــي

نايف ولد مسرع على الطيب محسوب
يستــاهل البيرق عريـــب المنــــسـبي

مثّل وطنا المملكه بين الشـــــــــــعوب
هذا ومــثله للدواســـر مكــســـــــــبي

ويقول الشاعر والإعلامي مهدي بن مسفر الحبابي :
الف مبروك يانايف وريث الكواسر
الف مبروك يارمز يمثل قبيلة

شاعر جزل ذرب افعال والخصم حاسر
وكل حر اعيونه فوق راس الطويله

ارق راس الطويله دام ربعك دواسر
اهل الطيب وافعال الدواسر جزيله

ويقول الشاعر سلطان بن معجب الشكره:
للعز في عين السنافي نوض
مبدع وقرم وشاعر مقدام

خوض التنافس يارفيقي خوض
دام الدواسر لك سند وحزام

ومدام شعرك مثل نبت الروض
شيح ونفل وزاهره وخزام

ويقول الشاعر جري بن شبيب آل بريك:
مبروك يانايف لك التأهيل
تستاهل الترشيح يانايف

شاعر وشعرك مايبي تحليل
من سمع شعرك قال لك كايف

نوادر ما طبها التجميل
مثل الذهب ما لمعته زايف

سعره يزود وقابل التدبيل
وما منه يا نايف احد خايف

دربك خضر و نشجعك بالحيل
وبإذن الله البيرق بإسم نايف