يا الله دخيلك يا عظيم ويا حميد ويـا مجيـد=من فتنتةٍ خطط لها النجس الخبيـث وجابهـا
دارت رحاها واستدارات وطحنت حب الحصيد=وامست تعاوى في المراقيب الطوال ذيابهـا
من شاهد الاطلال قال الله يدبـر مـا يريـد=كم حرةٍ من حر مـا تونـس تشـق ثيابهـا
تبكي على الأوطان والإخوان والابن الشهيـد=وأمست بحسرتها وحيده عقب فرقى أحبابها
الله من الحسرة على بغداد عاصمة الرشيـد=احداً يهد أسوارهـا وأحـد يشيـل أبوابهـا
مناظرٍ منها يشيب القلب لو هو مـن حديـد=حسبي على من حرك الفتنه وكـان أسبابهـا
اللي سقط ما هوب صدام المغامـر والعنيـد=اللي سقط بغداد والمشـرك يـدوس ترابهـا
ما زال عنها ظلم حتى استقبلت ظلـم جديـد=ترضى معه با الظلم الاول من بعد ما صابهـا
وليا حكم صدام با الاعدام والبـاس الشديـد=ما حل لبوش الا بنار مـا طفـى مشهابهـا
ما هوب ناويها بخير اللي غزاها مـن بعيـد=والدار داراً مسلمة والمسلميـن أولـى بهـا
اما زرع فيها عليـلاً صـار للامـه حصيـد=والا سلبها عقب شال ضروسهـا وأنيابهـا
الضعف خلى للخصوم أعلوم وسهوم تصيـد=وأسباب الامة من تفرقهـا وكثـر أحزابهـا