مــن قـبـل مــا ابـــدى بالقـصـيـدة واجيـبـهـا=فـــــي لــيــلــة(ن) لــلــعــز جـــانـــا نـديـبــهــا
أبـــــدى بــذكـــر الــلـــي عـلـيــنــا فـضـايــلــه=مـخــفــف مـصـايـبـهـا مـــهـــون صـعـيـبـهــا
الـلــي إلـــى ضـاقــت عـلــى الـعـبــد دنـيـتــه=ورفــــع كـفـوفــه.... دعــوتـــه يستـجـيـبـهـا
الــلـــي يــبـــدل عـــســـر الايــــــام بـالـيــســر=ويـاســعــد نـفـس(ن)رحـمــة الله تـصـيـبـهـا
وبـعــده ســـلام يــعــم مــــن كــــان حــاضــر=فـــي حـفـلـة(ن) كـــل أبــلــجٍ يـنـلـقـي بــهــا
ســـــلام يــاهـــل الــحــفــل كــســابــة الــثــنــا=الــلــي مــــن الـنـامــوس تــاخـــذ نـصـيـبـهـا
وســــــلام لـلـحــضــار مـــــــن كـــــــل ديـــــــرة=الـــلـــي بــعــيــد جــــــدود والـــلـــي قـريــبــهــا
فـــــي لـيــلــة الـتــاريــخ والـمــجــد والـفــخــر=نــذر(ن) عـلـي جـــزل القـصـايـد لاجيـبـهـا
إن مـاحــضــر شــعـــري لـتـمـجـيــد لابـــتـــي=بـاقـي القـصـايـد خـلـهـا ويـــش أبـــي بـهــا
بالله يــــاتــــاريـــــخ وقـــــــــــــف وســــــجـــــــل=مـفـاخـر(ن) تـبـطـي الـــرواة تـحـكــي بــهــا
بالله يــــاتــــاريـــــخ والــــــيـــــــوم يــــــومـــــــك=ســجــل مــواقــف لابــــة(ن) فــــاح طـيـبـهـا
تـــعـــلـــم الاجــــيـــــال مـــعـــنـــى الــحــمــيـــة=لاصـــاح مـــن غـــارات بـقـعـا... صويـبـهـا
ســـجـــل لـــنـــا بـــيـــن الـمـنـاعـيــر وقـــفــــة=يــوم إن بـعـض الـخـلـق مـــا يـنـغـزي بـهــا
وقــفـــة شـــــرف نـفــنــى وتـفــنــى عـيـالــنــا=واحـفــادنــا مــــــن بــعــدنــا تـعـتــنــي بـــهـــا
وقـفــة شـــرف مـــن هـامــة الـــراس لـلـقـدم=لــلــدوســريـــة عـادة(ن)تــشــتــقــي بـــــهـــــا
مـــن يـــوم ابــــن عــــواد بـالـصــوت طــــوّح=لــلابــة الــلـــي فـــــاز مـــــن يـعــتــزي بــهـــا
يـنـخـى رجـــال(ن) جـدهــا دوســـر الـفـحــل=... الـنــفــس يـاربــعــي لـحـقـهــا طـلـيـبـهـا
ومـالـلـحــمــول الــكــايـــدة غـــيــــر أهــلــهـــا=ولالــــي ســواكــم لابــــة(ن) انـتـخــي بــهـــا
جـاتـه جـمـوع(ن) كنـهـا الـبـحـر لا الـتـطـم=كــلـــن يــقـــول الـطـايــلــة بـــاغـــدي بـــهـــا
كـــلـــن بــــــرك لـلـحــمــل ويـــــــدق صـــــــدره=هـــــذاك ابـــــو الـعـلــيــا وهــــــذا صـحـيـبـهــا
كــلــن يــقـــول الــمـــال مـــــن دون ربــعـــي=والامـــوال غـيــر الـيــوم وش ينـبـغـي بـهــا
مــاعـــاد فــيــهــا الـــيـــوم جــــــدك وجــــــدي=يـاعـزوة(ن)عــنــد الــلــقــا يــنــدعــي بـــهـــا
جيـنـا صـخـابـرة(ن) عـلــى صـــوت داعـــي=مــثـــل الــحـــرار الــلـــي تـنــصــت نـديـبــهــا
جـيـنــا صـخـابــرة(ن) عــلــى قــلــب واحـــــد=والـكـايـدة لـــو هـــي تـعـصّـت نــجــي بــهــا
صـخـابــرة جـيــنــا عــلـــى شـــــان صــرخـــة=وسـمـعـت مــــن ديــــار آل زايــــد مجـيـبـهـا
ويـعـيــش مـنـهــو حـــــاز الامــجـــاد كـلــهــا=الــمــزنـــة الــــلــــي مــايـــوقـــف صـبـيــبــهــا
الــلـــي لــبـــس بـــشـــت الامــــــارة وزيـــنـــه=بافـعـالـه الــلــي كــــل حــــي(ن) دري بــهــا
عـبـدالـعــزيــز الـــجــــود.. وابـــــــوه تـــركــــي=ورّث لـــه العـلـيـا.. وشـبـلـه رضــــي بــهــا
عبـدالـعـزيـز الــلــي خــوالــه هـــــل الـظــفــر=مــن روس قــوم(ن) مــا جهـلـهـا حريـبـهـا
عبدالعزيـز اللـي خــذا الـمـدح فــي الصـبـا=وشــلــون لــــو نـفـســه تــقـــارب مـشـيـبـهـا
عبدالـعـزيـز يــشــاف فــــي عـيـنــه الـعـشــا=شـيــخ(ن) يـــروم الطـايـلـة ويـهـقــي بــهــا
الله لا يــــقــــطــــع لــــلابــــطـــــال تــــــالـــــــي=شـجــرة(ن) تـظـلـل عـــن سـمـايـم لهـيـبـهـا
قـلـتــه وانــــا لــــي لابــــة(ن) لــبــت الــنـــدا=عـاداتـنــا هــــي الاولـــــة ونـحــضــي بــهـــا
مــســـاعـــرة لامــــــــن حــضـــرنـــا ظــهـــرنـــا=وكــلــمــة بــــــلا بـــرهـــان كـــلــــن يـعـيـبــهــا
مــســاعــرة مـشـروبــنــا ســـاعـــة الــســطــر=مـــــن صــافـــي الــدلـــة ونــتـــرك سـريـبـهــا
مـــســـاعـــرة هــامــاتــنـــا فــــــــــي الـــثـــريــــا=روس(ن) طنخها الحرب لا من عدي بها
نـــارد عـلــى الـمــوت الـحـمـر ورد ظــامــي=إلـــــى اعـتـلـيـنـا الـــلـــي تـــركـــز سـبـيـبـهــا
ونـرعـى صـخــاف الـشــول فـــي كـــل ديـــرة=ومـــــن خـوفــنــا كـــــل الاعـــــادي تـهـيـبـهـا
والـــــى عـــــوى ذيـــــب(ن) بــديـــرة ذيـــابـــة=يــبــشــر بـــهـــدات (ن) تــحــيــر طـبـيـبـهــا
تــجــيــك مـــــــن زايـــــــد وتــغــلـــب ســـرايــــا=رجـــال(ن) ثـيــاب الطـايـلـة تكـتـسـي بـهــا
بالله يـــــــاتـــــــاريـــــــخ وقـــــــــــــــــــــف ودوّن=حـقـيــقــة بـــيـــن الـقـبــايــل حـــكـــي بـــهــــا
مـــــن حـــــرم فــزعـــات الـغــيــارى آل زايـــــد=نـفــســه مـــــن الــحــرمــان وافٍ نـصـيـبـهــا