" يا من على الوقفه تشيله عظامه"
السلام عليكم مساكم الله بالخير الجميع
الجزل دوم غالي والهزل بار سوقه = كل خل(ن) لخله..كل شوق(ن) لشوقه والرطب في فروعه مايلاتن عذوقه = والمثل قال ما للحمله الا جملها
سلام والوقفه على ساق واقدام = يامن على الوقفه تشيله عظامه والشعر له حاكم ومحكوم واحكام = واناترى شعري رفيع(ن) مقامه |
رد: " يا من على الوقفه تشيله عظامه"
خلوووووووووووووووووووها ::
|
رد: " يا من على الوقفه تشيله عظامه"
اقتباس:
الشعر مثل سوقً فيه باير وغالي = ومايجب الجزل يا كود راع الجزالي ومانحب الطمانه .. عشقنا للعوالي = المثل قال ماللحمله الا جملها ::=:: ::=:: يا مرحبا عند الرجاجيل الحشام = عند الرجال اهل الوفاء والشهامه و صاحبك وقت الحرب جاهز ومقدام = والله يعديها بخير وسلامه |
رد: " يا من على الوقفه تشيله عظامه"
مرحبا مليون يا بعيد الهقاوي
استلم استلم لاهنت:
ياهلا ومرحبا بك يا بعيد الهقاوي = يالرفيق الشقاوي والطبيب المداوي في الرجوم الطويله غن ياذيب عاوي = والجمل قال ماللحمله الا جملها
نعمين يا لابس من الطيب هندام = ما يلحقك فالطيب شك وملامه قدام يا راعي المطاريش قدام = كل(ن) ليا ثارت يجود حزامه |
رد: " يا من على الوقفه تشيله عظامه"
اقتباس:
استلم يا سنايدي ولو ان البال ضايق ... لكن لعيونك نكمل :)
البقاء يالمرحب عند ربعي حزامي = ال زايد هل الطالات شرقاً وشامي وانت عطنا علومك يا رفيع المقامي = والمثل قال ماللحمله الاجملها ::=:: ::=:: انا صحيبك من قديمات الأيام = يا صاحبن بالطيب عالي مقامه يا أهل الوفاء والعز يا أهل الأقدام = الأخ واثق ويش تالي كلامه ؟ |
رد: " يا من على الوقفه تشيله عظامه"
استلم استلم لا هنت
كان تبغى علومي كاثراتن همومي = اتوحى سكون اليل وارعى النجومي والغلا حط له في وسط قلبي وسومي = والمثل قال ما للحمله الا جملها
ياخوك قلبي صوبه لابس لثام = يزها بخده .. من على الخد شامه يصدر على قلبي امر حكم الاعدام = لاقام يمشي مثل مشي الحمامه |
رد: " يا من على الوقفه تشيله عظامه"
اقتباس:
السموحه على التاخير رحت اصلي :) استلم يا سنايدي ...
كان هذه علومك خلها مانباها = لا تجدد على روحي كدرها وعناها عزتي لك يا واثق يوم طحت فهواها = والمثل قال ماللحمله الا جملها ::=:: ::=:: انشهد انك يالسنافي ماتنلام = من يوم شفت اللي سهى عن لثامه! ما ضيق الخاطر وخلاني انضام =الا اللذي كنه القمر في تمامه |
رد: " يا من على الوقفه تشيله عظامه"
|
رد: " يا من على الوقفه تشيله عظامه"
أبدااع واثق خطى
تشكر علي الجهد طال عمرك تقبل الشكر والتقدير من شخصك الكريم مبارك الخييلي |
رد: " يا من على الوقفه تشيله عظامه"
والشعر له حاكم ومحكوم واحكام
واتا ترى شعري رفيع ٍ مقامه اصبت الهدف ولا اخطيـــت ياواثق خطى وياواثق شعر ويا واثق مقال ولايهون اخوي الشاعر النجم الساطع في المنتدى الشاعر الكبير < بعيد الهقاوي وتقبلوا مرور اخوكم الامبراطور |
رد: " يا من على الوقفه تشيله عظامه"
استلم استلم لاهنت :
اتفكر بحالي والزمان وصروفه = الحزن ما يفارق والفرح ما نشوفه والخوي فالشدايد قام يصفق كفوفه = والمثل قال ما للحمله الا جملها
ما دام عهد العز والخير مادام = اليل باغتنا وخيَم ظلامه وين الخوي الي مع الوقت ضرغام = وين الذي فعله يسابق كلامه |
رد: " يا من على الوقفه تشيله عظامه"
اعتذر يا بعيد الهقاوي عن التأخير المشكله مو مني السيرفر كان عطلان على ما اضن
صح لسانك ولا هنت النهايه عندك يا ذيبان والجايات اكثر |
رد: " يا من على الوقفه تشيله عظامه"
اقتباس:
ولاهنتي على مرورك الكريم اقتباس:
لا خلا ولا اعدم انشا الله اقتباس:
تسلم يا الامبراطور لا هنت على مرورك الكريم |
رد: " يا من على الوقفه تشيله عظامه"
اقتباس:
وطارووق وموووال هااايل سعدت بمتابعتة |
رد: " يا من على الوقفه تشيله عظامه"
تسلم يا صبي ال عريمه
ولاهنت على مرورك الكريم |
الساعة الآن 07:05 PM
|
Powered by vBulletin® Copyright ©2000 - 2024, Jelsoft Enterprises Ltd.
---