::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)
-   -   ((ناس تريد المرجلة في عماها)) (http://alduwaser.org/vb/showthread.php?t=75251)

خيال الرحا بن قاسط 06-04-2017 09:12 PM

((ناس تريد المرجلة في عماها))
 
يا رب صبرني ما عاد املك .. الحيل
هدتني الدنيا وتزايد ............ بلاها
ونفس شقية ما شفتها ..... المواويل
ولا شاقها شوق الغضي في .. شقاها
يوم اتذكر الفرس تكسر ........ الذيل
وعرف يشوش الياهذب من .. علاها
راحت مع الفرسان تجذب هل الخيل
تشفي غليل اللي تعلا ........... قراها
يوم المعزة والشرف ..... والرجاجيل
وعيال واحد ما تفرق ............ نماها
راحوا وخلونا سوات ......... المهابيل
ضاقت بنا الدنيا وتضايق ...... سماها
من قلة اللي باللوازم ......... مشاكيل
نوادر ما قصرت ............... بقصراها
راحوا وخلونا وبقية ............. تنابيل
ناس تريد المرجلة في ........... عماها
اللي تغث النفس يا حيل .... ابا الحيل
تغثنا بهروجها من ................. غثاها
والله يا لولا دلة كلها ................ هيل
الياضاق صدري جبتها في ........ فناها
وحضرت انا المحماس وجبت المعاميل
وقننت انا طبختها وقننت ......... ماها
وسويت لي فنجال شيخ ..... الفناجيل
مبهر ما حافته كف .................. هاها
ولا تمجلس خلفها سايس ......... الفيل
الهندي اللي حطه عمه ............. وراها
ساعة اشم ابهارها واذكر ......... الجيل
اللي بشوفه شف نفسي ....... وشفاها
ترسل لهم عيني دموعه ......... هماليل
هدية الذكرى وفيهم ................ تباها
جاني بلايه والبلا الياقبل .......... الليل
ساعة تثور النفس وتعلن ......... خفاها
وتجلب عمل شيطانها ......... بالولاويل
يحوفنا ونرميه بآيات ................. طه

خيال الرحا بن قاسط


الساعة الآن 08:05 PM

Powered by vBulletin® Copyright ©2000 - 2024, Jelsoft Enterprises Ltd.
---