::: مـنتدى قبيلـة الـدواسـر الـرسمي ::: - جديد راشد العازمي ومحمد بن فالح

محمد
مرحبا ترحيبة ن مثل العسل واحلا زياده
في حضور إلي يحلون المشاكل والدعاوي
راشد الفاروع جعل الله يحقق له مراده
بعد نواف أتوقع ياصل النجم السماوي

راشد
البقا لك يامرحب والله الله بالركاده
الحلا غير الحلول اطلع مطاليع النداوي
عايشين بعز ونفضل على العز الشهاده
وان حداك الوقت وردها على العد الرهاوي

محمد
اترك إلي ماتولع نيرته قدحة زناده
وانت وانا نشتري ونبيع بالسوق الغلاوي
انت عايش مير مدري في شقا ولا سعاده
عدل الكفه على الميزان والدرب امتساوي

راشد
الوكاد انه سرا ليلك وفارقت الوساده
لاتقول الدار ريف ولا نقول الذيب عاوي
الله يجزي الاعمال ويدبر عباده
مير قلي يوم نوخت الجمل ويش انت ناوي

محمد
يابن عازم ولله اني مأخذيت النوم عاده
اسهر عيوني وأسد الازمه واجرح وداوي
ابن زايد فوق ريمان الجمل يركي شداده
يوم بعض الناس مما صار له يلويه لاوي

راشد
ياعسانا لانشدنا الدوسري نلقى الافاده
نعرف ان العود صاحي مير وش جاب المداوي
انته اتشوف الفخر في المال ولا في العباده
لو يموت الحق مات الشعر من عصر الفراوي

محمد
اثمر الزرع اوبقا له ليل ويكمل حصاده
ون نقص في الزرع حاجه ماكلاه الاالشواوي لاتولعها يابن فاروع تاليها رماده
كل شيء له زمان وتابع الغاوين غاوي

راشد
يامحمد عادي الدكتور يعمل له عياده
مير غصب انه من امريكا يداوم في الداوي
هد روعك ماعليك السيف باقي في غماده
لاتخاف من الزمن مادام نوره في العزاوي

محمد
إترك الي في مريكا لاتجيبه من بلاده
وش يجيبه من ديار الغرب في ذيك الحراوي
ماعلي اخلاف جدي في العدد يكمل عداده
انشد التاريخ عنا يوم صكات البلاوي

راشد
انت لولا الواسطه ماخذت لك رخصة قياده
والعوازم ماتجامل في الصحيح ولا تراوي
عارفين عيال زايد كفو لو فيهم قراده
وانت تال الوقت ماتمرح عن الديره خلاوي

محمد
انت مثل الي يدور صيدته والذيب صاده
ان سلمت من الغشش لبستك البشت الحساوي