أبتدي بإسم الولي علام ماتخفي الليالي=خالق الإنسان من أصل العدم جل جلاله
الله الباقي تعالى وغير وجه للزوالي=هو مجيب الداعي اللي في دجى الضلماء يساله
بسمك اللهم بأبدا وابدع احسن ما يقالي = ومن بدا بسم الولي لا من طلب مطلوب ناله
بعدها لا من دعيتك ياهواجيسي تعالي =و حضري لي من البيوت اللي تحلي بالجزاله
مرحبا باللي لفوا حي الله زحول الرجالي =عد من صام رمضان وعد ما يبدي هلاله
وعد من هو محرم"ن" بإحرامه وشد الرحال ي =يم بيت الله موجه ياسعده وطيب فاله
مرحبا ترحيبة"ن" أحلى من صدوق الخيالي =لا ومر رب الملا من فوق ثم انشأ خياله
ومرحبا أحلى وألذ من الذي في الريق حالي =شهد"ن" مصفى ومجلوب"ن" على اصحاب الجلاله
ومرحبا ترحيبة"ن" تنساق مع كيف الدلالي =وارد الخولان لا من دار وصحون الفواله
ريحها مسك"ن" وعود وقدرها بالحيل عالي =من لفيتوا عيونا وصدورنا مجلس وصاله
ثم أخص بها لشيخ"ن" منزله روس الطوالي =متسلسل من شيوخ"ن" حي هاذيك السلاله
ترثة (آل قويد) و(آل قويد) نجم"ن" في العلالي =ولا جهل تاريخهم واخبارهم يا كود عاله
شيخة"ن" تعرف وتذكر في الجنوب وفي الشمالي =شيخة"ن" ماهي جديده من على وقت الجهاله
يوم صكات القبايل فالقديمات الخوالي =فــــعلهم خـــلده التاريـــــــخ لايمكن زواله
وبك (يابن فهاد يالفصام) شوق أم الدلالي =الهنوف اللي تغنج شوقها رجل الشكاله
مثلك أنته ياذرا المضيوم ياواف الخصالي =لي مثل شرواك يالفصام نادرت"ن" خصاله
حاتمي"ن" والكرم طبعه ومفني للريالي =ومن نصاه وجاء محله مايخيب من عناله
ذي شهادة حق وانطقها بعد جالي مجالي =ولا يغط النور بين الناس ياكود الحثاله
والذي جانا وسير من كريمين السبالي =كل من شرف بأرحبه وبا أخصه لحاله
بسم (إبن شدي) عريب الساس من عم "ن" وخالي =(أبو احمد) لا بغاله شي كافح ثم طاله
متعب"ن" نفسه لكلمة نعم لين لنعم نالي =ما خذاها بالسوالف والمجامل والسهاله
(خالدي) من لابتي الوافين كساب الجزالي =(والخوالد) تفخر بمثله ليا من جاء مجاله
ذي بيوت"ن" قلتها واحضرتها من هجس بالي =(والعقيلي) يعتذركم م الخطأ ومن الإطالة
ومرحبا ترحيبة"ن" تنساق مع كيف الدلالي =وارد الخولان لا من دار وصحون الفواله

ترثة (آل قويد) و(آل قويد) نجم ٍ فـي العلالـي=ولا جهل تاريخهـم واخبارهـم يـا كـود عالـه
شيخة ٍ تعرف وتذكر في الجنوب وفي الشمالـي=شيخة ٍ ماهي جديده من علـى وقـت الجهالـه
يـوم صكـات القبايـل فالقديـمـات الخـوالـي=فعلهـم خـلـده التـاريـخ لايمـكـن زوالــه

ترثة (آل قويد) و(آل قويد) نجم ٍ في العلالـي=ولا جهل تاريخهم واخبارهم يـا كـود عالـه
شيخة ٍ تعرف وتذكر في الجنوب وفي الشمالي=شيخة ٍ ماهي جديده من على وقـت الجهالـه