::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـشعر العــام :: (http://alduwaser.org/vb/forumdisplay.php?f=16)
-   -   الظروف سيوف (http://alduwaser.org/vb/showthread.php?t=76374)

بن الجراح 24-04-2018 11:00 AM

الظروف سيوف
 
الظــروف اســـيوف .....

القصـيد انــواع والمـعـنـى دفـيـن
,,,,,,,,,,,,,,,, والقضــايا عــوج يـصـعـب حـلّـهـا
بيـن شـك وبـيـن ريـبـات ويقـيـن
,,,,,,,,,,,,,,,, تـاهــت افـكــاري ولااحــدً دلــهـا
واكـبـتـني مـن يسـار ومن يـميـن
,,,,,,,,,,,,,,,, والظـروف اســيوف وقـتي سـلّهـا
بين غـاير طحت وارماح الكمـيـن
,,,,,,,,,,,,,,,, والهـجــوس اليــوم جـتـني كـلّـهــا
اتـقـلّـب بـيـن نـسّــاي وفـطــيــن
,,,,,,,,,,,,,,,,, صـابـني حيـره. وصـبـري مـلّهـا
احـتـريت الفـزعـه اللي لـي تـعيـن
,,,,,,,,,,,,,,,, وانـصدمـت وشــين حـظـي شـلّهـا
بيـن لحظــات التـفــاؤل والحـنـيـن
,,,,,,,,,,,,,,, عـشـت انـا والنـفـس يـزمي غـلّـهـا
ورغـم هـذا عنـدي ايـمان ويـقـيـن
,,,,,,,,,,,,,,,, وحـالـفً نـفـسي-- أبــد مـا اذلّـهــا
ولو لهـمـت تراب عـزمي. مايلـين
,,,,,,,,,,,,,,, ولانـي مـن اللي يـقـولــوا. خـلّـهـا
وآخــر المشـوار لابــد ما ـ تـزيــن
,,,,,,,,,,,,,,,, يـنـتـهـي بــه دقـهـــا مـــع. جـلــها
ومـا انكـتـب للعـبـد يظهـر فالجبـين
,,,,,,,,,,,,,,,, والـهـــدف لابـــد مـــا نـوصــلهــا
ذا جـديـد اللي غـدا مثـل السـجـيـن
,,,,,,,,,,,,,,,, صــابــرً . والكبــد زايـــد غـلّــها
جـاك. ردي واخـتـصــاره كلمـتـيـن
,,,,,,,,,,,,,,, ( لــي. كرامـه ) واسـتظـل. بظّـلهـا

محمد بن سوعان الربيّع


الساعة الآن 04:22 AM

Powered by vBulletin® Copyright ©2000 - 2024, Jelsoft Enterprises Ltd.
---