الطير له مخلاب والذيب نيبان
 

"الطير" له مخـلاب و"الذيـب" نيبـان
وكلٍ علـى دربـه تدلّـه عيونـه
.

وانا على بـدع القصايـد والاوزان
اختارها جزلة ولاارضـى عفونـه
.


من لابتن يشهد لهـا كـل ميـدان
واللـي يبـونـه لازمٍ ياصلـونـه
.


حنا بلـي لاشـع بالجـو نيـران
نمشـي ليامـن لاذ كـلٍ حصونـه
.


مانلتفت لا لا ولـو كـان ماكـان
طـول النظـر قدامهـم يدفعونـه
.


ربعٍ دواهي بينهم لطـف واحسـان
والنايفه مـن طيبهـم يعشقونـه
.


وقت الرخاء لولـو ودرٍ ومرجـان
وقت اللقاء نـارٍ تلاهـب ركونـه
.


كبيرهم يبقى لهـم خيـر عنـوان
وصغيرهم درب المراجـل فنونـه
.


وليا نبت في وسطهم راس ثعبـان
مثل الطلي مـن بينهـم يذبحونـه
.


تحشم شواربهم على مر الازمـان
درب الردى طبـعٍ بهـم مايجونـه
.


اللي لهم في قمـة المجـد برهـان
والكايـده بأفعالهـم يقنصـونـه
.


معروف حق الجار وله عندهم شان
وللضيف حقٍ عندهـم يحفظونـه
.


لو نكتب القيفان بأشكـال والـوان
مانوفـي اللـي غيرنـا يذكرونـه
.


ماهو قصورٍ بالقبايـل والاوطـان
كلٍ علـى نـاره يكسـر غصونـه
.


ربعٍ بلا موطـن تنحّـى وتنهـان
ورجلٍ بلا ربعـه حياتـه مهونـه
.


دامي بلوي والخال من صلب شلقان
اضرب على الصعبات مااحتار دونه
\
/
\
/
الشاعر عايد البلوي