التعزية كانت علينا غريبة=واليوم خطر تظاف ظمن السلامي
غريبة المضمون والشكل هيبه=ماتسمع الا مرة ن كل عامي
واليوم كم من ميت مادريبه=من كثرهم معاد تفرق لاسامي
مافيه بيت ماتجرع مصيبه=الوقت يمشي عجل والموت حامي
كم من قريب فرقه من قريبه=وكم من صغير راح قبل الفطامي
وكم من حبيب فرقه من حبيبه = حطم جميع امالهم والمرامي
وكم تاجرا ما رد موته بجيبه=وكم من اميرا مانفعه المقامي
واصلك لو تدفع لروحك ضريبه=مهما تفر تحصله في الامامي
الرابح اللي يستعد لنصيبه=هذا نصيب ابن ادم وذا الختامي
لو انها بالود والله ما انيبه = ياخذ هل الوقفات وقت الزحامي
وما ابيه ياخذ من تبين بطيبه = اللي ماترضى روحه بالانهزامي
ليته يطيع الشور والله لا اجيبه = وادله لبيت الردي والهلامي
واقول سم ولا تخلي ذهيبه = منهم وخلك ملتزم بالنظامي
لكن هذا الموت ماعنه غيبة = سنة ولي العرش رب الانامي

المشاركة الأصلية كتبت بواسطة الجراح (المشاركة 707031) صح لسانك يا أبو شالح جزله وانت كفو ما تجيب الا الجزال ودي وتقديري

المشاركة الأصلية كتبت بواسطة محمد بن سالم الخضراني (المشاركة 707036) ابوشالح صح لسانك ملاين وعزلله انك اجدت وابدعت نص متكامل وطرقه جاز لي

المشاركة الأصلية كتبت بواسطة فارس الدبالين (المشاركة 707055) لله درك يابوشالح دايماً متميز وجزل صح لسانك الى مالا نهايه تقديري واحترامي .

المشاركة الأصلية كتبت بواسطة عبدالرحمن بن فلاح آل بريك (المشاركة 707122) صح لسانك يا أبو شالح .. جزله وانت كفو ما تجيب الا الجزال ..

لو انها بالـود والله مـا انيبـه...ياخذ هل الوقفات وقت الزحامـي وما ابيه ياخذ من تبيـن بطيبـه...اللي ماترضى روحه بالانهزامـي ليته يطيع الشور والله لا اجيبـه....وادله لبيـت الـردي والهلامـي واقول سـم ولا تخلـي ذهيبـه....منهم وخلـك ملتـزم بالنظامـي

المشاركة الأصلية كتبت بواسطة مبارك بن شافي النتيفات (المشاركة 707125) صح لسانك واعتلى شانك تحياتي وتقديري

المشاركة الأصلية كتبت بواسطة خالد المشاويه (المشاركة 707814) صح الله لسانك يابوشالح واعتلى شآنك على هذا النص الرائع جزيل الشكر والتقدير